Þakkar Sólveigu Önnu fyrir baráttuna: „Ég dáist enn að baráttuþreki hennar“

Steinunn Ólína Þor­steins­dóttir end­ur­birti ljóð sem hún samdi til Sól­veigar Önnu Jóns­dóttur, á Facebook og þakk­aði henni fyrir að standa vörð um fátæka fólkið.

Leik­konan ást­sæla Steinunn Ólína Þor­steins­dóttir

Aðdáun Stein­unnar Ólínu, leikkonu á verka­lýðs­for­ingj­ann Sólveigu Önnu hefur ekki farið fram­hjá mörgum enda hefur Sólveig verið ötul í bar­áttu sinni fyrir bætt­ari kjörum skjól­stæð­inga sinna und­an­farið, þó eflaust megi rök­ræða hversu vel tókst til að lokum.

Í nýrri færslu á Facebook birtir Steinunn Ólína ljós­mynd af Sólveigu Önnu og þakkar henni fyrir unnin störf í þágu verka­lýðs­ins.

Þá end­ur­birti hún ljóð sem hún samdi til verka­lýðs­for­ingj­ans í fyrra en færsl­una má lesa í heild sinni hér fyrir neðan:

„Þetta orti ég til Sól­veigar Önnu í febr­úar í fyrra. Ég dáist enn að bar­áttu­þreki hennar og ein­urð í vinnu sinni fyrir fátæk­asta fólkið á vinnu­mark­að­inum og hversu óhrædd hún er að mæta and­stæð­ingum verka­lýðs­bar­áttu á Íslandi sem eru bæði valda­miklir og grimmir.

Ég þakka henni jafn­framt að hafa haft stór­kost­leg áhrif á stétt­vit­und fólks á Íslandi og að hafa vakið bar­áttu fyrir betra sam­fé­lagi og bættum kjörum almenn­ings upp frá dauðum.

Sólveig kallar sann­ar­lega eftir annarri sam­fé­lags­gerð. Hún kallar eftir því að okkur sé ekki sama um fátækt fólk og hvernig því reiðir af.

Ort til Sól­veigar Önnu 16. Febrúar 2022.

Vittu til að vors­ins

vakna jarðar blóm

Úr skugg­anum þau skríða

og skarta björt mót sól

Um and­ann skalt ei efast

því ekk­ert bindur laust

Tæki­færin gef­ast

gæf­una þú hlaust

Þau sem verkin vinna

vökul stór og smá

Virðing fyrst þau finna

er frelsi and­ans ná

þeir sem græða en gefa

ei gömlum höndum gaum

sáran þurfa að sefa

sorg­ar­innar flaum

Því ekk­ert er á jörðu

eign þess sem ekki sér

þá þreyttu, þjáð’ og börðu

þeir vinna störfin hér

Vittu til að vors­ins

vakna jarðar blóm

Úr skugg­anum þau skríða

og skarta björt mót sól“