Harmleikur við Glym – Kona á þrítugsaldri lést eftir að hún féll niður í gil við fossinn

Kona á þrí­tugs­aldri lést í gær eftir að hún féll niður í gil við foss­inn Glym í Hval­firði. Talið er að hún hafi lát­ist sam­stundis eftir hátt fall. Í til­kynn­ing­unni frá lög­regl­unni á Vest­ur­landi kemur fram að lög­reglu hafi verið gert við­vart um slysið um hálf ell­efu í gær­morgun. Lög­reglan á Vest­ur­landi ásamt sjúkra­liði og liði frá björg­un­ar­sveitum fóru á vett­vang ásamt þyrlu Land­helg­is­gæsl­unnar.

Aðstæður á vett­vangi voru erf­iðar en gilið er um 190 metra hátt þar sem það er hæst. Konan sem var erlendur ferða­maður hafði farið ásamt maka sínum í göngu­ferð upp með gil­inu að ofan­verðu þar sem hún féll fram af brún­inni. „Fallið var mjög hátt og ljóst að konan lést sam­stundis,“ segir í til­kynn­ingu lög­reglu. Þá kom lög­reglan á fram­færi þökkum til þeirra sem komu að björg­un­ar­að­gerðum í gær. Rann­sókn­ar­deild lög­regl­unnar á Vest­ur­landi vinnur nú að rann­sókn máls­ins.

Glymur er næst­hæsti foss Íslands, alls 198 metra hár. Hann er í Botnsá í Botnsdal í Hval­firði. Hann var lengi hæsti foss lands­ins en það breytt­ist árið 2007 þegar Morsár­fossar komu undan Vatna­jökli.

Fara þarf með gát þegar gengið er að foss­inum, en að honum liggja þrjár göngu­leiðir. Erfitt er að sjá allan foss­inn frá gil­börm­unum. Mun betra útsýni fæst ef gengið er upp með ánni að suð­austan og má þar sjá allan foss­inn af tveimur bergsnösum. Þessi leið er talin var­huga­verð fyrir loft­hrædda.