Fann ástina í Hagkaup: „Hún kokgleypti þetta allt og varð óheyrilega skotin í mér“

„Svona getur smá mis­sögli eyði­lagt allt það góða í líf­inu,“ ritar Glúmur Bald­vins­son og skaut föstum skotum að orða­vali rit­stjórnar Heim­ild­ar­innar í máli Eddu Falak. Glúmer er vin­sæll á sam­fé­lags­miðlum og feiki­klár penni. Stíl­vopnið notar hann til að ydda og lita frá­sagnir sínar og sjón­ar­mið lista­vel. Í nýj­ustu færslu sinni á Facebook segir hann frá upp­dikt­uðu ferða­lagi sínu í Hagkaup í leit að góðri konu:

„Fór í Hagkaup í dag að leita mér að kvon­fangi því mér skilst að konur sem versla í Hag­kaupum séu almennt fjáð­ari en þær sem versla í Bónus og Krónunni. Og mig vantar skyndigróða og kynni. Svo Hagkaup var það og þar hitti ég bráð­huggu­lega konu sem sam­þykkti að drekka með mér kaffi. Og hún er ein­stæð svo það sé tekið skýrt fram.“

Glúmur virð­ist hafa farið á flug í sölu­ræðu ást­ar­innar og gert meira út starfs­ferli sínum en raunin er:

„Nema hvað að èg stend mig að ýmis konar mis­sögli einsog gengur. Sagði henni til dæmis að ég væri fyrr­ver­andi banka­stjóri Lehman Brothers og Credit Suisse og til­von­andi for­sæt­is­ráð­herra Íslands. Og hún kok­gleypti þetta allt og varð óheyri­lega skot­inn í mér.“

Litla Ísland virð­ist hafa komið upp um Glúm sem situr nú eftir með sárt ennið:

„En þá kom babb í bát­inn því hún hringdi í vin­konur sínar sem sögðu mig fara með missagnir. Svo hún svarar mér ekki lengur. Svona getur smá mis­sögli eyði­lagt allt það góða í líf­inu. Það skal þó tekið fram að þessi frá­sögn er ein­tóm mis­sögn.“