Furðulegt uppátæki farþega – Opnaði neyðarútgang og renndi sér út rétt fyrir flugtak

Farþegi Delta Air Lines var hand­tek­inn á laug­ar­dag eftir að hafa opnað eina af hurðum vél­ar­innar og rennt sér niður neyð­ar­út­gangs­renni­braut. Flug­vélin var til­búin fyrir flug­tak á flug­vell­inum í Los Angeles þegar atvikið átti sér stað en vélin var á leið til Seattle, að sögn lög­reglu.

Atvikið á Delta flugi 1714 átti sér stað um klukkan 10:40 að stað­ar­tíma en vélin var kyrr­stæð á alþjóða­flug­vell­inum í Los Angeles. Flug­vélin, sem er af gerð­inni Boeing 737, var á flug­braut­inni fyrir flug­tak þegar far­þeg­inn fór út úr flug­vél­inni eftir að hafa virkjað neyð­ar­út­gangs­renni­braut­ina.

Starfs­fólk Delta náði að hand­sama mann­inn áður en lög­regla kom á svæðið og hand­tók hann. „Það er verið að útvega far­þegum nýtt flug í nýrri flug­vél og við biðj­umst vel­virð­ingar á óþæg­ind­unum og töfum á ferða­á­ætl­unum þeirra,“ sagði FAA í sam­tali við frétta­mið­il­inn CNN í gær.  FAA rann­sakar nú atvikið sem er heldur óvana­legt en óljóst er hvað mann­inum gekk til.