Hann missti besta vin sinn í hræðilegu slysi: Sagan sem aldrei mátti segja
Hinn landsþekkti útvarpsmaður, Þorgeir Ástvaldsson, var gestur í hátíðarviðtali Heimis Karlssonar á Bylhjunni.
Þar kom fram að Þorgeir varð fyrir miklu áfalli aðeins nítján ára að aldi; missti þá besta vin sinn, Rúnar Vilhjálmsson, er féll niður af svölum.
„Hann var minn besti vinur. Hann sagði mér það að honum fyndist leiðinlegt að búa ekki í svona nýju húsi eins og við,“ segir Þorgeir og bætir við að Rúnar þótti einstaklega efnilegur fótboltamaður; var valinn í landsliðið aðeins nítján ára gamall. Hann tengdist einnig hljómsveitinni Tempó þar sem Þorgeir var.
„Hann sem sagt fylgir okkur í Tempó, sem vinur og svo náttúrlega vorum við hrifnir af því hvernig honum vegnaði í boltanum.“
Það var svo í byrjun árs árið 1970 er Rúnar hélt til Englands, þar sem landsliðið átti að mæta enska liðinu; þá var Rúnar nýorðinn tvítugur.
„Hann átti afmæli 19. janúar, maður man það vel. Við kvöddum hann vinahópurinn. Við fórum með Gunna ljósmyndara út á Melavöll og hann var myndaður þar í bak og fyrir á klakadrullupollunum þarna um veturinn. Við gerðum gaman úr þessu,“
Síðan kom höggið; Rúnar var látinn.
„Ég er heima í Efstasundi og það er komið og bankað á dyrnar hjá mér og gluggann og ég vakinn. Ég hélt það væri komið eldgos, það var náttúrlega eldgos í augum okkar.„
Athugasemdir