Fjögur sitja nú í gæsluvarðhaldi vegna árásarinnar sem leiddi mann á þrítugsaldri til dauða á bílastæði við verslun Fjarðarkaupa í Hafnarfirði. Farið var fram á gæsluvarðhald sökum rannsóknarhagsmuna, og eru þau grunuð um aðild að andláti mannsins. Fram hefur komið í fréttum að um ræði þrjá drengi og eina stúlku. Tveir drengjanna og stúlkan eru undir lögaldri, og því skilgreind samkvæmt lögum sem börn, sá fjórði er 18 ára en á nítjánda aldursári. Tvö barnanna sæta vistun á vegum Barnaverndar og eitt í fangelsinu á Hólmsheiði. Sá sem náð hefur lögaldri er einnig vistaður á Hólmsheiði.
Samkvæmt heimildum fréttastofu RÚV eiga samskipti ungmennahópsins og hins látna að hafa átt að byrjað inni á bar hinu megin götunnar og færst út á bílastæði Fjarðarkaupa. Þá kemur jafnframt fram að eitt ungmennanna hafi tekið upp myndskeið af árásinni. Rannsóknarlögreglan rannsakar nú hvort myndbandið hafi farið í dreifingu og hver hafi deilt upptökunni.
Fréttastofa RÚV ræddi við Páll Winkel fangelsismálastjóra sem útskýrði að þar sem gæsluvarðhaldið væri á grundvelli rannsóknarhagsmuna, en ekki almannahugsmuna, þá teldi hann líkur leiða að sakborningum verði sleppt um leið og yfirheyrslum lýkur, jafnvel áður en gæsluvarðhaldsúrskurður rennur út.
Gæsluvarðhaldið yfir fjórmenningunum rennur út á fimmtudaginn næstkomandi.
Athugasemdir