Gagnrýnir Prestfélag Íslands harkalega: „Slæm þróun og varhugaverð“

Séra Skírnir Garð­ars­son gagn­rýnir þá þróun sem hann segir vera hjá Prest­fé­lagi Íslands. Segir hann félagið safna prikum yfir „hin minnstu frá­vik og mis­stig“ sem karl­prestar lenda í.

Samkvæmt heim­ildum mbl.is hefur Séra Geir Waage sagt sig úr Prest­fé­lagi Íslands. Séra Skírnir skrif­aði færslu á Facebook um málið þar sem hann gagn­rýni Prest­fé­lagið harka­lega.

„Presta­fé­lag Íslands hefur ekki sýnt okkur full­orðnu karl­prest­unum neina hlýju und­an­farin ár. Nánast allt sem afvega fer og hin minnstu frá­vik og mis­stig eru túlkuð okkur í óhag. Margir sem lagt hafa á sig ómælda vinnu í þágu P.Í hafa orðið að þola ýmis­legt slæmt. „Hinn gamli maður“ (skil­grein­ing fengin að láni frá f.v. bisk­ups­rit­ara) á ekki að fá að tjá sig. Þetta er hnign­un­ar­ein­kenni og í takt við margt annað furðu­legt sem presta­stéttin, blakt­andi í vindum tím­ans, er að bralla nú um stundir. Slæm þróun og var­huga­verð.“

Aðspurður segir Skírnir að erfitt sé að horfa upp á þró­un­ina.

„Ég hef alla tíð haldið mínum félags­tengslum og mun gera áfram, þá súrt sé að horfa upp á hvern karl­prest­inn á fætur öðrum verða fyrir barð­inu á prika­söfn­urum presta­fé­lags­ins, sem oftar en ekki eru bara að tryggja eigin stöðu gagn­vart mis­vitrum bisk­upum þess­arrar aldar.“