Kamilla rifjar upp gamla tíma: „Var sennilega 19 ára þegar ég missti alla trú á rómantík og væmni“

Kamilla Ein­ars­dóttir rit­höf­undur rifjar upp tím­ann þegar hún var 19 ára í nýrri færslu á Twitter. Segist hún meðal ann­ars hafa misst alla trú á róm­an­tík og væmni á þessum tíma.

Kamilla er þekkt í Twitter-heim­inum á Íslandi fyrir spaugi­legar færslur en nýja færslan er ekki aðeins fyndin, hún er súr­sæt líka og fal­leg. Færsluna má lesa hér fyrir neðan.

„Þið voruð öll svo sæt og krúttu­leg þegar þið voruð 19 ára. Ég var að vinna á stripp­klúbb, ný hætt með fyrsta alvöru kærast­anum mínum til að byrja með öðrum sem seldi playstation tölv­una mína fyrir eit­ur­lyf. Byrjaði þá með dyra­verði á klúbbnum, hann hélt fram­hjá mér með stripp­ara. Ég sé það núna að ég var senni­lega 19 ára þegar ég missti alla trú á róm­an­tík og væmni. Þessi fyrsti kær­asti er núna ham­ingju­samur með hjúkr­un­ar­fræð­ingi í Dk. Ég sakna enn þá Tekken leiks­ins sem fór með tölv­unni og hugsa hlý­lega til stripar­ans sem sagði mér allt saman því kvenna­sam­staða er svo fal­leg.“