Svo mikil voru kynlífslætin í þekktum einstaklingi sem flutti í blokk í Garðabæ, að nágrannarnir sáu sig knúna til að senda manninum kvörtun í formi útprentaðs blaðs. Þar er hann beðinn um að taka tillit til fólks í blokkinni og reyndar íbúum næstu blokkar einnig, slík voru lætin.
Mannlífi barst skjáskot af kvörtunarbréfi sem stílað er á mann sem ekki er þörf á að nafngreina. Þar kvarta nágrannar hans í blokk sem hann flutti nýverið í, vegna hamagangs og láta úr svefnherbergi mannins, en lætin voru það mikil að fólk átti erfitt með svefn í blokkinni og næstu blokk einnig.
„Það er alltaf leitt að þurfa að gera athugasemdir við hegðun fólks en þolinmæðin okkar er algjörlega á þrotum. Þú ert væntanlega vanur að búa í einbýlishúsi og ekki þurft að taka tillit til nágranna þinna en nú býrðu í gamalli og hljóðbærri blokk og þá er nauðsynlegt að vera meðvitaður um að valda öðrum íbúum ekki ónæði. Hér má nánast heyra orðaskil milli blokkar 8 og 10, milli hæða og veggja, svo þú áttar þig vonandi á hljóðbærninni“ Svo byrjar bréfið og heldur áfram: „Síðan þú fluttir er tvennt sem gerir íbúum lífið leitt.“
„Gauragangur í rúmi og kynlífshljóð eru að svipta fólki svefni. Það er bæði vaknað upp við þennan hamagang kvölds, nætur og morgna. Hér býr veikt fólk, gamalt fólk og fólk sem þarf að vakna snemma í vinnuna.“
Svo er það hitt vandamálið:
„Þegar þú hefur börnin hjá þér eru oft mikil læti, öskur og eltingaleikir, slíkt glymur um alla blokk.“
Í niðurlaginu er hann beðinn um að laga þetta. „Þú gefur þig út fyrir að vera heiðarlegan og góðan mann. Við óskum þess að þú sýnir okkur tillitssemi varðandi þessi atriði og gerir ráðstafanir til að valda ekki slíku ónæði.
Nágrannar í blokk 8 og 10.“
Athugasemdir