Sérsveitin handtók þrjá einstaklinga eftir hnífaárás – Brotaþoli komst úr íbúð og bað um aðstoð

Lög­reglan á höf­uð­borg­ar­svæð­inu hefur haft nóg að gera frá fimm í morgun til sautján ef marka má dag­bók hennar.

Í tveimur mis­mun­andi til­fellum urðu slys á raf­skútu­öku­mönnum sem báðir voru grun­aðir um akstur undir áhrifum áfengis. Báðir aðilar voru fluttir á sjúkra­hús til aðhlynn­ingar eftir að lög­reglan tók af þeim blóð­sýna­töku.

Þá slas­að­ist ein­stak­lingur í fall­hlífa­stökki. Talið er að aðil­inn hafi flækst í tré við lend­ingu og fallið þaðan til jarðar. Einhver meiðsl urðu á honum en óvitað er um alvar­leika þeirra.

Brotist var inn í sölu­skúr í Hafn­ar­firði og smá­ræði af pen­ingum stolið.

Í morg­unsárið barst lög­regl­unni á stöð 4 til­kynn­ing um hnífs­s­tungu en stöðin sinnir verk­efnum á Árbæ, Graf­ar­holti, Graf­ar­vogi,  Norð­linga­holti, Mos­fellsbæ, Kjós­ar­hreppi og á Kjal­ar­nesi. Brota­þoli náð­ist að kom­ast út úr íbúð­inni þar sem árásin átti sér stað og óska eftir aðstoð. Sérsveit rík­is­lög­reglu­stjóra aðstoð­aði lög­regl­una við hand­tökur á þremur karl­mönnum og voru þeir vistaðir í fanga­klefa vegna máls­ins. Hinn slas­aði var fluttur til aðhlynn­ingar á slysa­deild.

Þá barst til­kynn­ing um svif­vængja­flugs­slys (e. paraglide) við Hafra­vatn. Hugs­an­legt fót­brot segir í dag­bók­inni en ekki er vitað um frek­ari líðan.