Brynjar tekur af allan vafa um ráðherraskiptin: „Ég sem er að verða atvinnulaus“

Svo virð­ist sem ráð­herra­skiptin hjá Sjálf­stæð­is­flokknum muni ganga eftir en ákvörðun um það verður til­kynnt á rík­is­stjórn­ar­fundi næst­kom­andi mánu­dag. Brynjar Níelsson gaf sterk­lega í skyn í athuga­semd að af skipt­unum verði.

Bjarni Bene­dikts­son fjár­mála­ráð­herra og for­maður Sjálf­stæð­is­flokks­ins lof­aði við upp­haf kjör­tíma­bils­ins að Oddviti Sjálf­stæð­is­manna í Suð­ur­kjör­dæmi, Guðrún Haf­steins­dóttir myndi taka við af Jóni Gunn­ars­syni sem dóms­mála­ráð­herra, um mitt kjör­tíma­bil. En Jón sagði í við­tali við Reyni Trausta­son í hlað­varps­þætt­inum Mann­lífið í apríl, að hann hefði ekk­ert heyrt í Bjarna varð­andi ráð­herra­skiptin. Næst­kom­andi mánu­dag hitt­ist rík­is­stjórnin á fundi á Bessa­stöðum en þar verður að öllum lík­indum til­kynnt um ráð­herra­skiptin, ef af þeim verður.

Brynjar Níelsson, aðstoð­ar­maður Jóns Gunn­ars­sonar skrif­aði færslu á Facebook fyrir stundu þar sem hann seg­ist hafa verið að koma úr við­tali við Frosta Logason hjá Brot­kasti. Þar mærir hann hinn nýja miðil og hneiksl­ast á að hann sé neyddur til að borga útvar­spgjaldið til Rík­is­út­varps­ins, í stað Frosta. Hér er færslan:

„Nú var ég að koma úr við­tali við Frosta Logason á nýja miðl­inum hans Brotkast, sem mun fara í loftið seinna í vik­unni. Við Frosti tók­umst oft á þegar hann var með Harma­geddon ásamt Mána vini sínum. Frosti byrjar afar vel með þennan nýja miðil. Engin froða eða með­virkni og hann spyr erf­iðra spurn­inga í þeim til­gangi að leiða fram sann­leik­ann. Ekki eins og sumir miðlar sem telja sig vera í rann­sókn­ar­blaða­mennsku en eru bara í póli­tískri agendu. Reyna stöðugt að selja okkur að þeir séu ýmist frjálsir og óháðir eða í almanna­þágu.

Ég vildi gjarnan greiða útvarps­gjaldið til Frosta en stjórn­mála­menn eru enn fastir í því að ríkið þurfi að reka ljós­vaka­miðil og að skatt­greið­endur eigi að halda von­lausum einka­miðlum á lífi með fram­lagi. Er byggt á sömu hug­mynda­fræði og að hafa lista­menn á launum hjá rik­inu og helst að fjölga þeim og hækka launin. Enda nóg til og enda­laust til að ónýttum skatt­stofnum.“

En það er athuga­semd frá Brynjari sem vekur meiri athygli en færslan sjálf.

Páll nokkur skrif­aði: „Þú getur hæg­lega borgað útvarps­gjaldið og áskrift hjá Frosta, hættu þessu væli þú átt skítnóg af pen­ingum.“

Og þessu svarar Brynjar að bragði og virð­ist taka af allan vafa um ráð­herra­skiptin: „ég sem er að verða atvinnu­laus“.

Þessu svar­aði reyndar Páll aftur og sagði: „hahaha þeir verða nú snöggir þínir menn að finna handa þér bit­ling ef ég þekki þá rétt“.