Fréttafígúra lætur Boris Johnson heyra það í nýju myndskeiði sem birtist á YouTube í dag.
Kolbikarsvört skýrsla um lygar Boris Johnson, fyrrum forsætisráðherra Bretlands, hefur nú litið dagsins ljós en það var svokölluð forréttindanefnd þingsins gerði skýrsluna. Þar kemur fram að Johnson hafi lokið í Partygate málinu svokallaða en hann hélt fjöldi veisla í Downingstræti 10 á sama tíma og hann bannaði almenningi að safnast saman, vegna Covid-faraldursins.
Jonathan Pie er karakter sem leikinn er af breska grínistanum Tom Walker en í hlutverkinu þykist hann vera fréttamaður BBC sem hegðar sér afar vel fyrir framan myndavélina en gjörsamlega missir sig svo í vandlætingu á viðfangsefnum sínum þegar hann heldur að ekki sé verið að taka upp. Hafa margir stjórnmálamenn fengið rækilega á baukinn hjá Pie enda þykir hann skemmtilega hvass og segja það sem margir hugsa en þora ekki að segja.
Í nýjasta myndbandinu segir Pie að skýrslan sanni að Boris sé „helvítis lygari og örlítið heimskur“. Þá segir hann að forsætisráðherrann fyrrverandi hafi aldrei vílað fyrir sér að henta hverjum sem er undir rútuna ef það hentaði honum. Og Pie var ekki hættur. Sagði hann Boris einnig vera „raggeit og gaslýsandi poka af gasi, dulbúinn sem tragíska hetju“.
Myndbandið stórkostlega má horfa á hér að neðan:
Athugasemdir