Ólafur Kjartansson framkvæmdastjóri Úrvinnslusjóðs mun hætta störfum hjá stofnuninni 1. júlí næstkomandi eftir 20 ár í starfi. Ástæðan er sú að mjólkurfernur sem áttu að fara til endurvinnslu voru brenndar. Gefin var út yfirlýsing í gær sökum þessa og í henni stendur:
„Um þessar mundir stendur Úrvinnslusjóður á tímamótum. Hlutverk Úrvinnslusjóðs hefur og er að taka miklum breytingum samfara innleiðingu hringrásarhagkerfisins og hefur mikilvæg reynsla myndast síðustu ár og mánuði. Til að sjóðurinn geti sinnt sínu hlutverki með sem bestum hætti er ljóst að starfsemin þarf að vera opnari, framsýnni og kvikari. Umbreyting er óhjákvæmileg og þó nú þegar sé unnið að breytingum undir stjórn Ólafs Kjartanssonar framkvæmdastjóra er bæði honum og stjórn Úrvinnslusjóðs ljóst að mikið verk er enn óunnið.“
Úrvinnslusjóður hefur setið undið harðri gagnrýni eftir að Heimildin varpaði ljósi á að mjólkur- og aðrar pappafernur hafa ekki verið endurnýttar með þeim hætti sem talið var. Neytendur hafi þarf af leiðandi verið blekktir. Þá er hlutverk Úrvinnslusjóðs að hafa umsjón yfir úrvinnslugjaldi sem ljóst er að ekki hafi verið gert á réttan hátt.
Þá kemur jafnframt fram að stjórn sjóðsins telji tími kominn til breytinga og að hún og Ólafur hafi komist að samkomulagi um starfslokin.
Uppbygging og rekstur Úrvinnslusjóðs hefur hvílt á herðum Ólafs í rúm tuttugu ár, þ.e. frá stofnun sjóðsins þann 1. janúar 2003. Ólafur hefur reynst Úrvinnslusjóði afar vel, ekki síst við uppbyggingu starfseminnar í samræmi við hlutverk hans. Nú þykir hins vegar rétti tíminn til breytinga og hafa stjórn Úrvinnslusjóðs og Ólafur komist að samkomulagi um að hann ljúki störfum sem framkvæmdastjóri sjóðsins frá og með 1. júlí 2023 að telja.
Athugasemdir