Síðasta kvikmynd breska leikarans Julian Sands, sem fannst látinn á dögunum eftir að hafa verið týndur í fjalllendi frá því í janúar, er hrollvekjan The Piper. Leikstjóri hennar er Erlingur Thoroddsen.
Erlingur hefur verið að geta sér nafn í hryllingsmyndaheiminum Vestra undanfarin ár en hann hefur skrifað handritin og leikstýrt kvikmyndunum Child Eater, Rökkur og nú þá nýjustu, The Piper. Þá hefur hann einnig skrifað og leikstýrt þætti í hrollvekjuseríunum Into the Dark. Fyrir Rökkur hlaut hann tvenn verðlaun.
The Piper fjallar um tónskáld sem fer í það verkefni að klára ókláraðan konsert eftir látinn læriföður sinn. Tónskáldið kemst fljótlega að því að spilun tónlistarinnar kallar á banvænar afleiðingar, sem leiðir hana til að afhjúpa óhugnanlegan uppruna laglínunnar og illsku sem hefur vaknað. Hún er ekki byggð á sönnum atburðum.
Athugasemdir