Jón Gnarr sá tvífara Helgu Brögu í Noregi: „Þetta er mjög dularfullt mál“

Jón Gnarr er með ansi skemmti­lega kenn­ingu um Norðmenn og Íslend­inga.

Grínist­inn og fyrrum borg­ar­stjóri Reykja­víkur, Jón Gnarr, hefur síð­ustu daga verið á far­alds­fæti en hann skrapp til Noregs í nokkra daga. Þar sá Jón „marga Íslend­inga, sem reyndar virt­ust mjög norsk“. Sagðist hann hafa hitt bæði Helgu Brögu og Davíð Þor­láks­son sem reynd­ust ekki vera þau. Og þá kom kenn­ingin: „Grunar að öll hér eigi sér tví­fara á Íslandi.“

Twitter-færsl­una má lesa hér að neðan:

„er að þvæl­ast um norður Noreg. hef séð marga íslend­inga, sem reyndar virt­ust mjög Norsk og hitti bæði Helgu Brögu og @davidthorlaks en reynd­ist samt hvor­ugt þeirra vera þau. grunar að öll hér eigi sér tví­fara á Íslandi. þetta er mjög dul­ar­fullt mál“

Annars gekk heim­ferðin ekk­ert sér­lega vel hjá Jóni því Icelandair hætti við flugið til Kefla­víkur frá Oslo vegna tækni­bil­unar. Gleymd­ist svo að senda honum upp­lýs­ingar um næsta flug og þurfti hann því að redda sér gist­ingu sjálfur í eina nótt.