Rithöfundur spyr eðlilegrar spurningar: „Af hverju er það Strætó ofviða að vera með posa?“

Guð­mundur Andri Thorsson spyr spurn­ingar sem margir hafa spurt, af hverju er ekki hægt að borga með korti i strætó?

Rit­höf­und­ur­inn og fyrrum þing­mað­ur­inn Guð­mundur Andri Thorsson veltir fyrir sér í nýrri færslu á Facebook, hvað valdi því að ekki sé hægt að borga fyrir far með stræt­is­vagni með korti. „Rit­höf­undar í upp­lestri eru með posa. Fólk að selja kleinur á úti­mark­aði er með posa. Fólk að selja SÁÁ álfinn í and­dyrum er með posa. Börn með tombólu eru með posa.“

Spyr hann svo að lokum af hverju það sé álíka flókið að kaupa strætómiða og að „fylla út styrk­um­sókn til Evr­ópu­sam­bands­ins.“

Færsluna má lesa hér að neðan:

„Af hverju eru ekki posar í strætó þar sem hægt væri að borga? Af ein­hverjum ástæðum – og vafa­laust mín sök – á ég í vand­ræðum með að láta Klapp-appið virka í sím­anum mínum og því get ég ekki tekið strætó héðan úr höfða­hverfi og niður í bæ. Rit­höf­undar í upp­lestri eru með posa. Fólk að selja kleinur á úti­mark­aði er með posa. Fólk að selja SÁÁ álfinn í and­dyrum er með posa. Börn með tombólu eru með posa. Af hverju er það Strætó ofviða að vera með posa? Af hverju er það að kaupa strætómiða ámóta flókið og að fylla út styrk­um­sókn til Evr­ópu­sam­bands­ins?“