Rukkaði dóttur sína fyrir að passa barnabarnið „Er ég sú leiðinlega?“

For­eldrar treysta oft á fjöl­skyldur sínar þegar kemur að barnapössun. Flestar ömmur og afar passa barna­börnin sín án end­ur­gjalds en það á þó ekki við um alla ef marka má frétt breska mið­ils­ins Mirror. Þar segir ein­stæð móðir frá því að móðir hennar hafi tekið upp á því að krefj­ast launa fyrir barnapöss­un­ina nýverið.

„Við móðir mín eigum mjög gott sam­band. Hún hefur líka passað dóttur mína oftar en ég get talið ókeypis. Eina skiptið sem ég hef nokkurn tíma borgað henni fyrir pössun var þegar ég þurfti að fara í vinnu­ferð eða eitt­hvað álíka og ég þurfti að fá hana til að passa dóttur mína í að minnsta kosti viku. Verðið var £91 á dag, sem mér finnst mjög sann­gjarnt,‘‘ sagði móð­irin og bætti við: „Í síð­ustu viku spurði ég mömmu hvort hún gæti fylgst með dóttur minni í nokkra klukku­tíma á meðan ég sinnti ein­hverjum erindum. Hún til­kynnti mér þá að hún myndi ekki halda áfram að passa dóttur mína nema ég fari að borga henni fyrir hverja klukku­stund, ekki bara fyrir löngu ferð­irnar.‘‘

Móð­ur­inni seg­ist hafa brugðið mjög við til­lög­una og neitað að greiða henni fyrir pössun. Því næst hafi þær lent í hávaðarifr­ildi vegna máls­ins og hafi hún að lokum ákveðið að taka dóttur sína með til þess að sinna erind­unum. Síðar um dag­inn hitti móð­irin vin­konu sína sem spurði hana hvers vegna dóttirin hefði ekki farið í pössun til ömmu sinnar. Eftir að móð­irin sagði vin­kon­unni frá rifr­ild­inu tók hún upp hansk­ann fyrir ömm­una og tjáði henni að það væri sjálf­sagður hlutur að greiða henni fyrir pössun. Að lokum sagði móð­irin:

„Ég man aldrei eftir því að amma mín hafi beðið um að fá borgað fyrir að fylgj­ast með mér. Það hefði verið óskilj­an­legt en hún hafði passað mig þar til ég var ung­lingur svo ég var nokkurn vegin með­vituð. Ég veit það ekki… Er ég sú leið­in­lega í aðstæð­unum?“