Guðbjörg Magnúsdóttir er fallin frá

Söng­konan Guðbjörg Magn­ús­dóttir er fallin frá eftir bar­áttu við krabba­mein.

Guðbjörg Magn­ús­dóttir, söng­kona, er fallin frá eftir hetju­lega bar­áttu við krabba­mein en hún var 49 ára gömul. Hún lést á heim­ili sínu í Noregi en hún hafði búið þar und­an­farin ár með fjöl­skyldu sinni. Guðbjörg var lengi ein af fremstu söng­konum lands­ins og í lyk­il­hlut­verkum í fjölda Broadway sýn­inga meðan hún bjó á land­inu. Þá söng hún fyrir ýmsar teikni­mynda­per­sónur í íslenskri tal­setn­ingu og má meðal ann­ars nefna A Bugs Life og Pocahontas 2 í því sam­hengi.

Margir mun eftir þátt­töku hennar í Söngvakeppni sjón­varps­ins en þar söng ynd­is­legt lag sem heitir Aðeins ætluð þér sem María Björk Sverr­is­dóttir samdi.

Guðbjörg eign­ast fjögur börn með eft­ir­lif­andi eig­in­manni sínum Krist­jáni Hauks­syni og leit á son Krist­jáns sem hennar eigið.

„Það er mér óend­an­lega sárt að þurfa að segja frá því að ynd­is­lega Guðbjörg Magn­ús­dóttir, minn besti vinur, sálu­fé­lagi og eig­in­kona er fallin frá. Hún dó eftir hetju­lega bar­áttu við krabba­mein i morgun. Fyrir mína hönd, barna okkar og aðstand­enda vil ég þakka fyrir allan þann vel­vilja og stuðn­ing sem okkur hefur verið sýndur. Hún verður grafin á Íslandi við hlið sonar okkar Magnúsar Óla í októ­ber en nákvæm tíma­setn­ing hefur ekki verið ákveðin,“ sagði Kristján, eig­in­maður hennar, á Facebook.