Ósáttur Kristján Loftsson ætlar að leita réttar síns

„Niður­stöð­urn­ar eru já­kvæðar og sýna fram á að þróun og fjár­fest­ing okk­ar í veiði­að­ferðum og veiði­bún­aði eft­ir lok hval­ver­tíðar 2022 er að skila mark­tæk­um ár­angri. Ég bendi þó á að þess­ar breyt­ing­ar höfðu þegar verið inn­leidd­ar í júní 2023, áður en ráð­herra tók ákvörðun sína um að stöðva hval­veiðar,“ er haft eftir Krist­jáni Lofts­syni, fram­kvæmda­stjóra Hvals hf. í Morg­un­blað­inu í dag. Þar kemur fram að Hvalur ætli sér að leita réttar síns vegna stór­fellds fjár­hags­legs tjóns sem stöðvun hval­veið­anna hafði í för með sér. For­svars­menn Hvals hafa skilað inn skýrslu til Fiski­stofu og Mat­væla­stofn­unar vegna máls­ins.

Þar segir meðal ann­ars að taf­ar­laus dauða­tíðni lang­reyða hafi verið 80 pró­sent í haust en aðeins 59 til 67 pró­sent árið 2022. Hvalur hf. segir aukna pró­sentu megi rekja til bæði fjár­fest­inga í veiði­bún­aði og veiði­að­ferðum sem búið var að fram­kvæma áður en hval­veið­arnar áttu að hefj­ast.

Mikil óánægja var meðal fólks þegar hval­veiðar hófust á ný í sumar og safn­að­ist saman hópur fólks til þess að  mót­mæla veið­unum.