Unglingur verslaði koffíndrykki í Krambúðinni og hringdi á sjúkrabíl stuttu síðar

„Sonur minn lenti upp á sjúkra­húsi með sjúkra­bíl þar sem hann hafði verið að drekka orku­drykki en hann náði ekki að koma heim og hneig niður á miðri leið og hringdi sjálfur á sjúkra­bíl,“ skrifar sel­fyss­ing­ur­inn Magga Stína í Facebook-hópnum Íbúar á Selfossi í gær­kvöldi en Vísir fjall­aði fyrst um málið.

Þar segir hún frá því að fjórtán ára sonur hennar hafi keypt orku­drykk­ina á sjálfs­af­greiðslu­kassa í Kram­búð­inni á Selfossi þar sem starfs­menn höfðu engin afskipti af honum. „Þessir blessuðu sjálfs­af­greiðslu­kassar geta verið ágætir og sér­stak­lega í asanum á þessum árs­tíma en eitt sem mér finnst vera vanda­mál og það eru börnin sem geta verslað sjálf og þá hvað sem er eins og óæski­lega drykki,“ skrifar Magga og bendir á að það þurfi aukið eft­ir­lit með sjálfs­af­greiðsluköss­unum. Sonur Möggu hringdi sjálfur á neyð­ar­lín­una eftir að hann fann fyrir óþæg­indum. Hann er nú kom­inn heim og er á bata­vegi.