Gústaf um mótmælendur: „Lygarar og loddarar sem lifa á íslenskum bótum“

„Er þetta það sem koma skal á Íslandi?“ spyr Gústaf Níelsson, sagn­fræð­ingur, fylgj­endur sína á Facebook.

„Hér getur að líta unga karla frá Palest­ínu. Þeir hafa ekki dýft hendi í kalt vatn árum saman, eru lygarar og lodd­arar, sem lifa á íslenskum bótum,“ með færsl­unni hengir hann umdeilda frétt frá Mbl undir yfir­skrift­inni, Kærir mót­mæl­endur fyrir hat­urs­orð­ræðu. María Lilja Ing­valdar-Þrast­ar­dóttir Kemp lagt fram kæru til siða­nefndar Blaða­mann­fé­lags­ins, vegna frétt­ar­innar og þá meðal ann­ars vegna mynda­vals­ins.

Tengd frétt:

María Lilja kærir mbl til siða­nefndar vegna fréttar: „Til þess fallin að kynda undir kyn­þátta­hatur“

Ísland undir árás öfgamanna

Gústaf Níelsson spyr einnig að því hvort eng­inn stjórn­mála­maður ætli að skilja að landið er undir árás öfga­manna: „Þeir for­smá Alþingi og frið­helgi þess og hafa í hyggju að láta alþing­is­menn ganga undir palest­ínskum fána, er þing­hald hefst eftir helgi. Það er mark­mið þeirra og nýr borg­ar­stjóri aðstoðar þá dyggi­lega.“

Verði þeim leyft að mót­mæla án frek­ari afskipta hvetur Gústaf almenn­ing til að gera eitt­hvað í mál­inu:
„Hafi stjórn­völd ekki döngun í sér til þess að fjar­lægja þessar tjald­búðir af Aust­ur­velli væri rétt­ast að almenn­ingur tæki það verk að sér í krafti borg­ara­legrar óhlýðni.“

Hér að neðan má sjá færslu Gústafs í heild: