Uppnám hjá leiðsögumönnum: „Við neitum að starfa með fólki sem stundar andlegt ofbeldi“

„Þá höfum við Dóra Magn­ús­dóttir loks tekið skrefið og sagt af okkur, ég sem for­maður og hún sem rit­ari í stjórn Leið­sagnar – Félags leið­sögu­manna,“ skrifar Jóna Fanney Frið­riks­dóttir í lok­aðri Facebook-færslu í gær. Jóna segir mikið hafa gengið á innan félags­ins. „Við tvær erum þó eldri en tvæ­vetra og höfum brallað ýmis­legt í líf­inu en ALDREI á ævinni höfum við upp­lifað önnur eins ófag­leg­heit, róg­burð, rætni og óvirð­ingu gagn­vart öðru fólki líkt og fyr­ir­finnst innan stjórn félags leið­sögu­manna. Þar er lyg­inn sann­leik­ur­inn, rætnin dag­legt brauð og óvirð­ingin slík að okkur setti hljóða í fyrstu.“

Þá segir hún þær Dóru ekki ætla sér að vinna áfram með fólki sem beiti and­legu ofbeldi.„Við neitum að vinna áfram með fólki innan stjórnar sem beitt hefur blekk­ingum, grófum róg­burði og and­legu ofbeldi gagn­vart sam­starfs­fólki sínu. En mest svíður okkur að upp­lifa hvernig þetta fólk hefur virt að vettugi hags­muni félags­manna og lýð­ræð­is­lega upp­bygg­ingu félags­ins. Steininn tók úr þegar þessir ein­stak­lingar höfn­uðu því að setja erjur og ágrein­ing til hliðar fram yfir gerð kjara­samn­ings 2024 í því augna­miði að bjarga banda­lagi við VR.“

Jóna hefur verið borin þungum sökum að eigin sögn og segir hún þær vera út í blá­inn og án nán­ari útskýr­inga. „For­mað­ur­inn, ég hef verið borin afar þungum ásök­unum nú í nokkra mán­uði af þessu fólki án nokk­urra rök­semda. Það er bara full­yrt út í blá­inn og engar frek­ari útskýr­ingar fylgja. Þannig vinnur þetta fólk, það kann ekki að sinna félags­stöfum með sóma. Þau hafa engar lausnir við mál­efni en setja heykvísl­ana hátt á loft þegar aðrir koma með lausnir.

Þetta fólk hefur ekk­ert fram að færa og kannski höfum við Dóra sem reynslu­miklar í félags­störfum stuðað? Heil­brigt fólk tækju reynslu­miklu fólk í félags­störum og atvinnu­lífi fagn­andi – á þessum bæ urðum við strax óvin­sælar og þó aðal­lega for­mað­ur­inn, sem er kona með mikla stjórn­un­ar­reynslu og tel ég mig kunna nokkuð til verka.

Í þessu öllu hefur verið gott að hafa hreint hjarta, góða vini og fjöl­skyldu sem styðja.

Það er með bæði trega og eft­ir­sjá gagn­vart félögum í Leiðsögn sem ég segi mig frá for­manns­starf­inu innar stjórnar félags­ins. Ég var full eld­móðs eftir kosn­ing­arnar í maí sl. En þegar and­leg heilsa er byrjuð að gefa aðeins eftir og stungur heykvísl­anna farnar að meiða er ljóst að það er aðeins ein leið fær.

Við Dóra neitum að starfa með fólki sem stundar and­legt ofbeldi!“