Ruðningshaugar valda víða óþægindum í Reykjavík: „Orðið svolítið mikið núna og þetta tekur tíma“

Víða um Reykja­vík­ur­borg er erfitt fyrir gang­andi veg­ar­endur að kom­ast leiða sinna vegna ruðn­ings­hóla sem mynd­ast hafa að und­an­förnu.

Í Facebook-hópi íbúa Breið­holts birt­ist nýverið ljós­mynd sem sýnir afleit vinnu­brögð starfs­manns Reykja­vík­ur­borgar en þar sést hvar snjó­haug hefur verið rutt inn í und­ir­göng en mynd­ina má sjá hér fyrir neðan:

Þetta getur ekki talist til góðra vinnu­bragða?

Mynd: Facebook

Víða má sjá heilu fjöllin af snjó sem búin hafa verið til er götur hafa verið ruddar að und­an­förnu en eftir standa fjöllin og blokka bæði sýn öku­manna sem eru að keyra inn á götu, og neyðir gang­andi veg­far­endur til þess að ganga út á götu með til­heyr­andi slysa­hættu.

Hér má sjá nokkur dæmi:

Snjó­skafl við bíla­stæði í Vegmúla. Mynd/Lára Garð­ars­dóttir

Hátt í fjög­urra metra háum skafli hefur verið rutt í Ármúla yfir gang­stétt. Mynd/Lára Garð­ars­dóttir

Skaflinn er svo hár og skyggir svo mikið á að ógjörn­ingur er að sjá aðsvíf­andi umferð nema fara út á akbraut­ina. Mynd/Lára Garð­ars­dóttir

Eiður Fannar Erlends­son, sem stýrir vetr­ar­þjón­ustu Reykja­vík­ur­borgar segir að reynt sé að keyra með snjó­skafla sem mynd­ast á opin svæði en þetta taki allt tíma og sé dýrt. „Við reynum að keyra með þetta eins og hægt er, sem stystu leið inn á opin svæði sem eru á opnu borg­ar­svæði. En svo erum við líka með mót­töku á snjó uppi á Sæv­ar­höfða.“ Varðandi ruðn­ing­inn í und­ir­göng­unum í Breið­holt­inu sagði Eiður að það sé löngu búið að laga það og varð­andi dæmin hér fyrir ofan, sagð­ist hann ekki alveg vera með á hreinu hvaða svæði væri átt við og spurði hvort það geti verið að haug­arnir séu komnir til vegna mokst­urs einka­að­ila út af bílaplani, sem stundum sé málið. „Það er hell­ings vinna í gangi en þetta er orðið svo­lítið mikið núna og þetta tekur tíma. Oft er erfitt að kom­ast með tækin þegar það er umferð í gangi og svona, það hjálpar ekki. Og svo er oft erfitt að vera með mikla útgerð í gangi á nótt­unni því þá er kvartað yfir hávaða. Þannig að það er ekki alltaf allt sem vinnur með okkur.“

Aðspurður hvort snjóað hefði meira í vetur en síð­asta vetur var Eiður ekki alveg á því en að það hefði snjóað minna í einu en yfir lengra tíma­bil. „Síðasta vetur snjó­aði miklu meira á skemmri tíma og setti mjög margt úr skorðum og það var mikil ófærð á götum. Núna hefur snjóað miklu minna magni en yfir lengra tíma­bil. Og það hefur alveg gengið vel að halda sam­göngum góðum og færðin er alveg ágæt en svona eins og þú segir, þá eru hrúgur og ruðn­ingar víða fyrir en það ættu allir að geta kom­ist leiða sinna samt. Það er vissu­lega óþæg­indi hér og þar en færðin yfir það heila ætti að vera góð.“