Lindsey Buckingham vill koma aftur í Fleetwood Mac: „Höfum gengið í gegnum mikla erfiðleika“

Lindsey Buckingham myndi ganga aftur í Fleetwood Mac á stund­inni ef það væri í boði.

Lindsey Buckingham var rek­inn úr hinni goð­sagna­kenndu hljóm­sveit Fleetwood Mac árið 2018 og von­brigði leyna sér ekki er hann hugsar til baka. Í stað Lindsey fékk hljóm­sveitin 2 gít­ar­leik­ara, þá Neil Finn úr Crowded House og Mike Campbell úr hljóm­sveit Tom Petty The Heart­br­ea­kers. Eftir rifr­ildi Stevie Nicks og Lindsey Buckingham gaf Nicks hljóm­sveit­inni val; ann­að­hvort yrði Lindsey Buckingham rek­inn eða hún myndi hætta, þar sem hún myndi aldrei framar standa á sviði með honum. Þess má geta að Lindsey og Stevie voru par í 11 ár en hættu saman við upp­tök­urnar á plöt­unni Rumours 1977.

Fleedwood Mac á Gram­my­verð­laun­unum

Mynd: Trausti Haf­steins­son

Lindsey stefndi hljóm­sveit­inni og fór fram á 12 til 14 millj­ónir doll­ara en lokum var kom­ist á sam­komu­lag þannig að ekki þurfti hljóm­sveitin að mæta í rétt­ar­sal, þó svo Mick Fleetwood hafi sagt í við­tali að hann hlakk­aði til að hitta Lindsey í dóm­salnum. Stuttu síðar fékk Lindsey Buckingham hjarta­á­fall og var skor­inn upp.

Í nýlegu við­tali við Conan O’Brien á útvarps­veit­unni Sirusxm tal­aði Buckingham um brott­rekst­ur­inn úr Fleetwood Mac af ein­lægni án þess að kenna Stevie eða öðrum með­limum sveit­ar­innar um. Hann sagði að hann myndi ganga aftur í hljóm­sveit­ina á stund­inni ef það væri í boði ef það kemur eitt­hvað meira frá Fleetwood Mac, og ef hægt væri að laga ósættið milli vissra með­lima, þá væri vel við hæfi að enda þetta á réttum nótum. Það sem gerð­ist var ekk­ert annað en veik­leiki innan hljóm­sveit­ar­innar, sagði Buckingham við O’Brien en nokkrir með­limir innan sveit­ar­innar hafi ekki verið sáttir við þetta en gátu ekki gert annað.

Christine Mcvie sagði í við­tali eftir brott­rekst­ur­inn að hún sakn­aði Lindsey og von­að­ist til þess að hann ætti eftir að koma aftur, en ári áður sendu þau tvö frá sér plöt­una Lindsey Buckingham og Christine Mcvie. „Í 45 ár höfum við gengið í gegnum mikla erf­ið­leika en alltaf kom­ist í gegnum þá og notað þá í sköpun sem að hefur alltaf leitt eitt­hvað gott af sér að lokum,“ sagði Lindsey Buckingham í við­tal­inu.

Buckingham og McVie

Framtíð Fleetwood Mac er óskýr sökum frá­falls Christine Mcvie, söng­konu, hljóm­borðs­leik­ara og laga­höf­unds hljóm­sveit­ar­innar, sem lést snögg­lega fyrir ári síðan en hún hafði verið með­limur síðan 1971.

Það er við hæfi að enda þetta á Lindsey Buckingham einum með gít­ar­inn að taka smell­inn Big Love af end­ur­komu tón­leik­unum 1997 sem sem gefnir voru út sem The Dance skömmu
síðar.

https://youtu.be/mZZp76M4NGc?feature=shared