Anna Kristjánsdóttir ætlar að kaupa fimm stjörnu hótel á Tenerife og breyta því í katta og hundahótel.
Í nýjust dagbókarfærslu Önnu Kristjánsdóttur, sem hún birtir á Facebook í gær, segir hún frá hjónum sem hún sótti á flugvöllinn á Tenerife, þar sem hún býr, í fyrradag. „Ég skrapp á flugvöllinn í gær að sækja íslensk hjón sem ætla að dvelja í Paradís næstu tvær vikurnar. Þetta voru ekki hvaða hjón sem helst, heldur Hannes og Heiðrún, hann fyrrum starfsmaður stjórnstöðvar rafmagns hjá Orkuveitunni, semsagt gamall vinnufélagi, hún starfsmaður hjá Rekstrarvörum til margra ára.“
Í gærkvöldi mættu hjónin svo á bar sem Anna kallar „Búkkann“ og voru að sögn hennar „fullklyfjuð með einhvern poka merktan Rekstrarvörum“. „Ég þefaði ofan í pokann og þóttist skynja harðfisk, en sá um leið ýmislegt sem á betur við íslenskar ungmeyjar á áttræðisaldri en íslenskur harðfiskur. Ég efa samt ekki að harðfiskinum verða gerð góð skil næstu dagana í næsta nágrenni, en sjálf mun ég njóta hinna sætindanna næstu dagana. Takk, Hannes og Heiðrún.“
Í seinni hluta dagbókarfærslunnar skrifar Anna um fyrirætlun sína um að kaupa katta og hundahótel á Tenerife, það er að segja, þegar hún vinnur í Eurojackpot.
„Heiðrún er virkur sjálfboðaliði hjá Kattholti og sjálf hefi ég fengið almanakið þeirra síðustu þrjú árin sent til mín til Tenerife og sem ég hefi fengið að njóta reglulega. Þegar ég fæ stóra vinninginn í Eurojackpot upp á einhverja milljarða, ætla ég að kaupa fimmstjörnuhótelið handan óræktarinnar og breyta því í öðruvísi hótel þar sem neðri hlutinn verður hundahótel en sá efri verður kattahótel. Sjálf ætla ég að búa á efstu hæðinni á kattahótelinu með fullt af kisum í kringum mig.Ég hefi þegar fengið boð um fjölda sjálfboðaliða sem eru tilbúin til að gefa vinnu sína á dýrahótelinu.“
Athugasemdir