Ómar R. Valdimarsson, lögmaður, skal greiða fyrrverandi umbjóðanda sínum 490 þúsund krónur, auk dráttarvaxta, af 1,1 milljón krónum sem hann rukkaði í lögmannsþóknun.
Í maí 2020 lendir kona í umferðarslysi og leitar hún á náðir Ómars til að annast málið og innheimta bætur frá bótaskyldu tryggingafélagi.
4,4 milljónir voru heildarbætur fullnaðaruppgjörs og af þeim voru 356 þúsund krónur vegna lögmannskostnaðar. Þá ritaði Ómar undir uppgjörið fyrir hönd konunnar og tók við milljónunum inn á fjörvörslureikning í sínu nafni og lögmannsstofu sinnar, Esja legal.
Ómar greiddi konunni 3,3 milljónir og hélt sjálfur eftir 1,1 milljón eyrnamerkti sem þóknun lögmanns.
Las um okur Ómars í blöðunum
Konan sem í slysinnu lenti las ári síðar í dagblöðum fjölmiðils að Ómari hafi verið gert að endurgreiða skjólstæðingi sínum hluta lögmannsþóknunnar sinnar. Úrskurðarnefnd lögmanna kveðið að endurgjald varnaraðila ætti ekki að nema meira en 75 prósenta álagi á þóknun tryggingafélagsins til varnaraðila.
Í kjölfarið setur faðir konunnar sig í samband við Ómar R. og krafist útskýringa. Komst faðirinn þá að lögmaðurinn hafi okrað á sama hátt á dóttur hans.
Konan fær þá aðstoð nýs lögmanns til að innheimta og krefja Ómar um endurgreiðslu upp á 490 þúsund krónur. Að sögn Ómars ku hann hafa verið fús til endurgreiðslu að því gefnu að hinn nýi lögmaður vísaði umboði fyrir hönd konunnar.
Ómar réttlætti að hafa ekki greitt kröfu konunnar sökum seinagangs og sinnuleysis nýja lögmannsins þegar hann hafi ítrekað verið beðinn um umboð.
Ómari gert að endurgreiða
14. mars síðastliðinn féll dómur í málinu, Ómari og lögmannsstofu hans var gert að greiða konunni 490 þúsund auk dráttarvaxta frá 20. júlí 2023. Ómar var ósáttur með að þurfa að greiða dráttarvexti og hann bar fyrir sig að hafa ekki haft upplýsingar um reikningsnúmer konunnar, þrátt fyrir að hann hafi áður greitt inn á reikning hennar bætur vegna slyssins.
Dómurinn féllst á, með Ómari, að nýr lögmaður konunnar hefði verið átt að framvísa umboði konunnar, sem hann gerði ekki þrátt fyrir ítrekaðar óskir.
Athugasemdir