Steinunn Ólína býður sig fram til forseta: „Langlundargeð okkar er sannarlega á heimsmælikvarða“

Steinunn Ólína Þor­steins­dóttir býður sig fram til emb­ættis for­seta Íslands.

Leik­konan Steinunn Ólína Þor­steins­dóttir til­kynnti fyrir klukku­stund að hún hyggð­ist bjóða sig fram til for­seta Íslands. Í mynd­skeiði sem hún birti á Facebook seg­ist hún þekkja þjóð­ina og þjóð­ina þekkja hana: „Þið stöpp­uðu í mig stál­inu þegar ég var sorg­mædd og ein­mana og þið kennduð mér líka að varð­veita eld­inn, elska heitt og að ekk­ert væri ómögu­legt.“

Segir Steinunn Ólína að mikið sé í húfi og að það skipti máli hver gegni emb­ætti for­seta Íslands. „Forseti er í for­svari fyrir þjóð­ina á ögur­stundum, þegar hún mætir sem full­trúi hennar til að sýna – að okkur má aldrei standa á sama. Forseti þarf því að vera víð­sýnn og for­dóma­laus og standa með öllu fólki sem hér býr – í blíðu og stríðu.

Þessar for­seta­kosn­ingar sýna að við verðum að eiga meira en sam­tal um stjórn­ar­skrá okkar. Breyt­ingar á henni hafa nú verið til umræðu í heilan manns­aldur. Lang­lund­ar­geð okkar er sann­ar­lega á heims­mæli­kvarða.“Þá segir hún best ef for­set­inn þurfi helst aldrei að „sker­ast í leik­inn“. „Þjóðin á heimt­ingu að því að á hana sé hlustað. Það er þings­ins að búa svo um hnút­ana að þar sé ávallt verið að vinna að sam­eig­in­legum hags­munum fólks­ins í land­inu svo for­seti þurfi helst aldrei að sker­ast í leik­inn.“Steinunn segir einnig að á Íslandi búi fólk sem „aldrei hefur fengið að njóta sín“ og að það sé „sam­eig­in­legt verk­efni“ að bæta stöðu þess svo „allir íbúar lands­ins geti dafnað og blómstrað.“ Bætti hún við: „Ég lofa, verði ég for­seti, að fylgj­ast vel með og sinna þessu stóra verk­efni eftir bestu getu, ekki einu umfram annað, og inna emb­ætt­is­verkin af hendi af áhuga, sam­visku­semi og alúð.“

Hægt er að horfa á til­kynn­ingu Stein­unnar Ólínu í heild sinni hér fyrir neðan: