Miklar breytingar eru að verða á fylgi frambjóðenda ef marka má nýja könnun Prósents á fylgi forsetaframbjóðenda. Helsu tíðindin eru þau að Halla Hrund Logadóttir orkumálastjóri mælist nú með um 18 prósenta fylgi og er sannkallaður hástökkvari og er komin á hæla Baldurs Þórhallssonar, sem trónir á toppnum og Katrínar Jakobsdóttur, fráfarandi forsætisráðherra, sem er fast á hælum hans. Baldur mælist með rúmlega 27 prósent en Katrín með um 23 prósent.
Með þessari mælingu Prósents hækkar Halla Hrund sig um helming frá fyrri könnun Prósents þegar hún mældist vera með 12 prósenta fylgi. Hún kemst nú upp fyrir Jón Gnarr og er komin í toppbaráttuna. Munurinn á þeim tveimur er þó ekki tölfræðilega marktækur.
Halla Hrund var ráðin sem orkumálastjóri árið 2022. Hún er með BA-gráðu í stjórnmálafræði, meistaragráðu í alþjóðasamvinnu með áherslu á hagfræði og orkumál og meistaragráðu í opinberri stjórnsýslu frá Harvard-háskóla. Frá árinu 2017 sem meðstofnandi og framkvæmdastjóri við miðstöð norðurslóða, Arctic Initiative.
Halla Tómasdóttir, sem gerir nú aðra atlögu að embætti forseta Íslands, er langt undan með aðeins rúmlega 5 prósenta fylgi. Þá er fjöldi frambjóðenda með fylgi þar fyrir neðan. Á botninum er Sigríður Hrund Pétusdóttir með fylgi sem mælist 0. Helga Þórisdóttir mælist með 0,1 prósent fylgi.
Könnun Prósents var gerð 16.-21. apríl. Morgunblaðið kynnti niðurstöðurnar. Frestur til að tilkynna framboð rennur úr í þessari viku.
Forsetakosningar 2024
Arnar Þór skuldar starfsmönnum forsetaframboðsins laun: „Ég vil fá skýringar á því hvað þetta var“
Þetta greiddu frambjóðendur til forseta fyrir hvert atkvæði
Ástþór þögull um fjármögnun á framboði Ásdísar: „Ég er langflottasti forsetinn“
Halla Tómasdóttir sótti fylgi sitt til þeirra ungu og þeirra ríku
Hvítklæddir mormónar í tónlistarmyndbandi Ástþórs
Athugasemdir