Hollywood-leikarinn Chris Pratt syrgir dauða kærs vinar síns og samstarfsmanns. Fréttir bárust í gær að áhættuleikarinn Tony McFarr hefði óvænt látist, aðeins 47 ára gamall.
Í nýrri færslu í Instagram-story hjá Pratt, segist hann vera „eyðilagður“ eftir fregnirnar.
„Við unnum saman í fjölda kvikmynda. Við golfuðum, drukkum viskí, reyktum vindla, og eyddum óteljandi klukkustundum saman á setti,“ segir Pratt. „Ég mun aldrei gleyma hörku hans“.
Hasarmyndastjarnan minnist einng þegar tökur á Guardians of the Galaxy 2 stóðu yfir og segir að fyrrverandi áhættuleikari hans hafi „tekið óhugnalegt skot í höfuðið“ og þurft að fá „nokkur hefti í hausinn á sér“.
Hann sagði að McFarr hafi stuttu síðar snúið aftur til starfa, og kallaði hinn látna áhættuleikara „algjöran fola“.
„Hann var alltaf heiðursmaður og fagmaður,“ sagði Pratt. „Hans verður saknað. Bænir mínar fara til vina hans og fjölskyldu, sérstaklega dóttur hans.“ Pratt deildi einnig fjölmörgum ljósmyndum af þeim félögum, klæddum í sömu búningana við upptökur á hinum ýmsum kvikmyndum.
McFarr lést á heimili sínu í Flórída á mánudaginn. Andlátið var staðfest af móður hans, Donnu, sem deildi fréttunum með TMZ þar sem hún sagði son sinn hafa verið „virkan og heilbrigðan“ og að dauði hans hafi verið „óvæntur“.
Dánarorsök McFarr hafa ekki verið gefin upp en beðið er niðurstaða úr eiturefnarannsókn.
Ferill McFarr sem áhættuleikari spannar mörg ár en hann vann meðal annars við Bones, Homeland, Teen Wolf, The Hunger Games: Mockingjay Part 1, Captain America, The Auccountant og Allegiant. Þá starfaði hann sem áhættuleikari fyrir Pratt í kvikmyndum á borð við Jurassic World, Passengers, Jurassic Park: Fallen Kingdom og Guardians of the Galaxy 2.
McFarr lætur eftir sig dóttur, systur og foreldra.
Athugasemdir