Maður í fæðingarorlofi bíður enn eftir launum frá veitingastaðnum Ítalía: „Hef beðið í 49 daga“

Fyrr­ver­andi starfs­maður veit­inga­stað­ar­ins Ítalía hefur ekki enn fengið greidd laun fyrir apríl mánuð. Hann er nú í fæð­ing­ar­or­lofi.

Sjá einnig: Eigandi Ítalíu skuldar starfs­fólki laun: „Ég trúi ekki að þetta sé að ger­ast á Íslandi“

Denis Koval kom frá Úkraínu fyrir einu og hálfu ári síðan en segir farir sínar alls ekki sléttar þegar snýr að atvinnu­rek­endum sínum hér á landi. Í upp­hafi hóf hann störf á hót­eli en hætti þar eftir ósætti þar.

Eig­in­kona Denis var orðin ólétt en til þess að hann ætti rétt á barna­bótum og fæð­ing­ar­or­lofi, varð hann að vera í vinnu. Hóf hann því störf við veit­inga­stað­inn Ítalíu, en þar gekk á ýmsu.

„Ég hóf störf á Ítalíu en þar var mér strax sagt að þeir ættu í fjár­hags­vand­ræðum og að ég myndi ekki fá greidd laun þann fyrsta næsta mán­aðar, heldur í kringum þann þriðja. Það var í lagi mín vegna, því aðal­málið fyrir mig var að hafa vinnu svo ég fengi fæð­ing­ar­or­lof. Þann 3. apríl fékk ég aðeins hluta af mán­að­ar­laun­unum borguð eða 174.000 krónur en á launa­seðl­inum stóð 229.000 krónur. Mánuði seinna, sjötta maí, fékk ég 50.000 sem var fyrir mars. En hvað með launin fyrir apríl? Í dag hef ég ekki enn fengið laun fyrir apr­íl­mánuð en nú er 18. júní. Ég hef því beðið í 49 daga eftir laun­unum mínum.“

Denis hefur ítrekað ýtt á eftir greiðslum.

„Í hvert skipti sem ég spyr um pen­ing­ana, og það er mjög oft, hafa þeir sagt að ég fái greitt á „mánu­dag­inn“ en á 49 dögum eru ansi margir mánu­dagar.“

Denis segir að nýlega hafi nýtt starfs­fólk verið ráðið á veit­inga­stað­inn.

„Fyrir nokkrum vikum síðan skrapp ég á stað­inn. Þeir voru búnir að ráða nýtt fólk og voru að panta nýja hluti. Og ég bíð enn eftir laun­unum mínum, frá 1. maí og til dags­ins í dag.“

Þrátt fyrir þessar raunir er Denis ham­ingju­samur en honum tókst að verða sér út um nýja vinnu og tryggja fæð­ing­ar­or­lof.

„Ég er þegar búinn að finna nýja vinnu og sonur minn fædd­ist 10. maí. Greiðsl­urnar til mín voru sam­þykktar þannig að ég er ánægður að allt gekk upp, með einum eða öðrum hætti. Nú er ánægju­leg­asta tíma­bil lífs míns hafið, ég er pabbi. Að eign­ast barn er blessun. Nú vil ég bara fá launin mín og halda áfram með líf mitt.“

Mannlíf fjall­aði um vand­ræði Salome Berelidze frá Georgíu og fleirri starfs­manna veit­inga­stað­ar­ins við að fá greidd laun, en starfs­menn­irnir eru frá ýmsum löndum, til dæmis Grikk­landi og Póllandi. Eftir að Mannlíf fjall­aði um málið, fengu flestir starfs­menn­irnir loks greidd laun en eig­andi stað­ar­ins, Elvar Ingi­mars­son sagði í sam­tali við Mannlíf að „tækni­vanda­mál“ hafi ollið töfum á greiðslum, sem og að „launa­kostn­aður hafi hækkað mikið“. Samkvæmt upp­lýs­ingum Mannlífs er að minnsta kosti einn fyrr­ver­andi starfs­maður enn að bíða eftir launum frá veit­inga­staðnum, auk Denis.

Enter