Viðgerðir á innviðum í Grindavík, sem og hækkun sjóvarna og frekari jarðkönnun í bænum eru hluti af aðgerðaáætlun er Grindavíkurnefndin svokallaða hefur sent Innviðaráðuneytinu.
Áætlaður kostnaður vegna þeirra er nærri hálfur milljarður.Grindavíkurnefndin telur að forsendur til þess að hægt verði að aflétta lokunum til Grindavíkur með öruggum hætti séu afar nauðsynlegar viðgerðir á innviðum; gatnakerfi sem og lögnum.
Til að koma í veg fyrir skemmdir á húsum bæjarins vegna flóða þarf að hækka sjóvarnir; þetta segir Grindavíkurnefndin vera nauðsynlegt til verja fiskvinnslur og önnur hús við höfnina; leggur nefndin það til að jarðkönnunarverkefninu verði lokið eins og bæjarstjórnin hefur lagt mikla áherslu á.
Eins og komið hefur fram á Mannlífi er áætlaður kostnaður við áætlunina um hálfur milljarður króna.
Telur nefndin þörf á að ríkið stígi inn í; sérstaklega vegna fjárhagsstöðu sveitarfélagsins, og lagt er til að ríkið greiði um 440 milljónir og Grindavíkurbær um 30 milljónir.
Kemur fram að kostnaður vegna lokunarpósta sem starfræktir eru á Suðurstandarvegi, Nesvegi og Grindavíkurvegi hefur minnkað; nemur hann nú um 40 milljónum á mánuði – að því er kemur fram í áætluninni.
Kostnaður vegna vöktunar lögreglu og Veðurstofu gæti aukist með aukinni umferð.
Athugasemdir