Blaðamannafélag Íslands brýtur eigin lög: „Afgerandi svör“

Í til­kynn­ingu frá Blaða­manna­fé­lagi Íslands segir að opin­bert félaga­tal félags­ins hafi verið tekið úr birt­ingu þrátt fyrir að til­laga um slíkt hafi verið felld á aðal­fundi félags­ins fyrr í sept­em­ber af félags­mönnum en í lögum félags­ins er skýrt að birta skuli félaga­talið á heima­síðu þess. Í til­kynn­ingu félags­ins er sagt að sú ákvörðun hafi verið tekin eftir að hafa leitað til Helgu Þór­is­dóttur, for­stjóra Per­sónu­verndar, um málið.

Lögmenn sem Mannlíf ræddi við segja málið vera flókið í ljósi þess að til­lagan var felld á aðal­fundi Blaða­manna­fé­lags­ins og það sé hægt að leyfa birt­ingu félaga­tals­ins en það sé háð ýmsum skil­yrðum.

Hægt er að lesa til­kynn­ingu félags­ins hér fyrir neðan:

„Birting félaga­tals BÍ á vef félags­ins stríður gegn lögum um per­sónu­vernd að áliti lög­manns BÍ og for­stjóra Per­sónu­verndar og er því ekki lengur opin­bert almenn­ingi. Stjórn BÍ var upp­lýst um álit lög­manns BÍ við gerð per­sónu­vernd­ar­stefnu félags­ins og ákvað í fram­hald­inu að félaga­talið yrði tekið úr birt­ingu. Samkvæmt per­sónu­vernd­ar­lög­gjöf­inni telst aðild ein­stak­linga að stétt­ar­fé­lögum til við­kvæmra per­sónu­upp­lýs­inga, líkt og t.a.m. einnig heil­brigð­is­upp­lýs­ingar, og gilda því strangar reglur um birt­ingu þeirra.

Í lögum BÍ er hins vegar ákvæði um að birta skuli félaga­talið og var því ákveðið að leggja fram til­lögu þess efnis á síð­asta aðal­fundi að ákvæðið yrði fellt brott úr lögum. Var til­lagan felld og stendur ákvæðið því óbreytt í lögum félags­ins þrátt fyrir að birt­ingin sé óheimil sam­kvæmt lands­lögum. Til að fá stað­fest­ingu á áliti lög­manns BÍ eftir nið­ur­stöðu fram­halds­að­al­fundar leit­aði for­maður félags­ins eftir áliti Helgu Þór­is­dóttur, for­stjóra Per­sónu­verndar, á því hvort áfram­hald­andi birt­ing félaga­tals BÍ bryti gegn lögum um per­sónu­vernd og vinnslu per­sónu­upp­lýs­inga. Stað­festi hún álit lög­manns BÍ um að taka beri félaga­talið úr opin­berri birt­ingu enda gangi lands­lög framar lögum stétt­ar­fé­laga.

Þá var einnig leitað til syst­ur­sam­taka BÍ í Danmörku, Noregi, Finn­landi og Svíþjóð og óskað eftir upp­lýs­ingum um hvort félögin birtu félaga­töl sín með ein­hverjum hætti og bár­ust afger­andi svör þess efnis að það væri ekki gert vegna þess að slíkt myndi brjóta gegn per­sónu­vernd­ar­lögum sem gilda fyrir öll ríki innan evr­ópska efna­hags­svæð­is­ins.

Stjórn BÍ hefur nú loka­drög að nýrri per­sónu­vernd­ar­stefnu félags­ins til umfjöll­unar og verður hún birt þegar hún hefur verið afgreidd.“