Bandaríska rokkbandið Primus leitar nú að nýjum trommara þar sem Tim „Herb“ Alexander hætti óvænt í bandinu. Tilkynnti hann félögum sínum í Primus ákvörðun sína með tölvupósti.
Hljómsveitin tilkynnti á þriðjudag að Tim hefði hætt í Primus og það „tæki gildi strax“. Tim tilkynnti félögum sínum þeim Les Claypool og Larry Lalonde um þetta í tölvupósti, sem kom afar flatt upp á þá. Eftirstandandi Primus-liðar segja að þeir ákvörðun Tim hafi komið algjörlega í bakið á þeim þegar Tim ákvað að hætta og segja ekkert hafa heyrt í honum frá því að hann hætti, fyrir utan annan tölvupóst frá honum þar sem hann sagðist vera búinn að „missa ástríðuna fyrir að spila“.
Primus var mynduð árið 1984 í El Sobrante í Kaliforníuríki en Tim kom inn í bandið árið 1989. Hann tók sér svo pásu árið 1996 en snéri aftur sjö árum síðar.
Stærsti smellur bandsins er lagið My Name is Mud frá árinu 1993 en Primus söng einnig þemalag South Park teiknimyndanna.
Segjast þeir Les og Larry vera vonsviknir að missa Tim en að þeir virði ákvörðun hans. Ætlar bandið samt sem áður að stíga á svið á gamlárskvöld í New York með gestatrommara en ætla sér síðan að finna nýjan trommara.
Athugasemdir