Bendir á seinheppinn samning Icelandair við Southwest Airlines: „Blekið var vart þornað …“

Kristinn Hrafns­son bendir á sein­heppni Icelandair í nýrri Facebook-færslu.

Rit­stjóri Wikileaks, Kristinn Hrafns­son bendir á sein­heppni Icelandair sem í vik­unni und­ir­rit­aði starfs­samn­ing við banda­ríska flug­fé­lagið Southwest Airlines:

„Icelandair var sein­heppið í vik­unni.

Á mið­viku­dag und­ir­rit­aði flug­fé­lagið með pompi og pragt (og brosi á hvers manns vörum) í sendi­herra­bú­stað Íslands í Washington, sam­starf­samn­ing við banda­ríska flug­fé­lagið Southwest Airlines. Send var út frétta­til­kynn­ing með mynd af þess­ari hátíð­legu athöfn og í fjöl­miðlum á Íslandi á fimmtu­dag var vitnað í hana þar sem segir að Southwest sé stærsta flug­fé­lagið þar í landi í inn­an­lands­flugi og að samn­ing­ur­inn „..muni gefa við­skipta­vinum tæki­færi á góðum teng­ingum á milli leiða­kerfa flug­fé­lag­anna tveggja“.“

En hvað var svona sein­heppið við samn­ing­inn? Kristinn bendir á að amer­íska flug­fé­lagið var sama dag kært af sam­göngu­ráðu­neyti Banda­ríkj­anna fyrir sak­næma van­ræsklu:

„Blekið var vart þornað á samn­ingnum á mið­viku­dag þegar Sam­göngu­ráðu­neyti Banda­ríkj­anna (DoT) þing­festi dóms­mál gegn Southwest vegna sak­næmrar van­rækslu með því að bæta ekki úr krónískum sein­k­unum á flugi sem stöf­uðu af óraun­hæfum flug­á­ætl­unum félags­ins. Með þess­ari van­rækslu hafi flug­fé­lagið valdið neyt­endum umtals­verðum skaða.

Máls­höfð­unin, þar sem kraf­ist er bóta­greiðslna, er vænt­an­lega eitt af síð­ustu emb­ætt­is­verkum Pete Buttigieg, sam­göngu­ráð­herra í rík­is­stjórn Bidens for­seta. Í til­kynn­ingu frá ráðu­neyt­inu er haft eftir ráð­herr­anum að „flug­fé­lög hafi lag­skyldu að tryggja að flug­á­ætlun þeirra veiti ferða­löngum raun­sæja brott­farar- og komu­tíma. Aðgerðir dags­ins sendi þau skila­boð til allra flug­fé­laga að ráðu­neytið sé reiðu­búið að höfða dóms­mál til að tryggja vernd far­þega“.“

Að lokum segir Kristinn frá svolitlu sem gerir tíma­setn­ingu samn­ings­ins enn pín­legri:

„Sagt var skil­merki­lega frá þess­ari máls­höfðun í fréttum í Banda­ríkj­unum enda nokkur tíð­indi.

Þessi óheppi­lega tíma­setn­ing samn­ings­ins verður enn háð­ug­legri þegar skoð­ast að ein helsta flug­leiðin þar sem Soutwest sinnti ekki að bæta úr krónískri seinkun í sínum áætl­unum var einmitt til og frá Baltimore fug­velli sem sér­stak­lega er getið í til­kynn­ingu Icelandair sem sér­lega hag­felldur ávinn­ingur fyrir far­þega félags­ins sem þurfi tengiflug.“