Inga Sæland lætur „falsfjölmiðla“ heyra það: „Koma fram við fólk eins og fífl“

Inga Sæland lætur Morg­un­blaðið heyra það í Facebook-færslu sem hún birti í kvöld.

„Ég vil senda ykkur öllum hjart­ans þakkir fyrir að standa vakt­ina með okkur þegar þeir sem tapað hafa völdum eyða allri sinni orku í að sverta Flokk fólks­ins sem mest þeir mega.

Alþingi ekki einu sinni komið saman hvað þá að þing­mála­skrá rík­is­stjórn­ar­innar hafi komið fram.“ Þannig hefst færsla Ingu Sæland, for­mann Flokk fólks­ins og Félags- og hús­næð­is­mála­ráð­herra. Í færsl­unni skýtur hún föstum skotum á fjöl­miðil á borð við Morg­un­blaðið sem hefur að und­an­förnu skrifað mikið um Ingu og Flokk fólks­ins að und­an­förnu.
Inga heldur áfram:
„Hvernig dettur nokkrum manni i hug að tala um svikin lof­orð án þess að hafa séð verkin sem við ætlum að vinna.

Óvand­aðir fals­frétta­miðlar í eigu auð­manna og ákveð­inna stjórn­mála­afla koma fram við fólk eins og fífl.“

Að lokum biður hún stuðn­ings­menn sína að missa ekki von­ina:

„Ekki missa von­ina því hún er yfir og allt um kring.
Áður höfðum við hátt í stjórn­ar­and­stöðu nú erum við komin með stjórn­ar­taumana ásamt okkar frá­bæru sam­starfs­flokkum og svo sann­ar­lega mun sam­fé­lagið okkar allt fá að njóta þess að þið gáfuð okkur ykkar dýr­mætu atkvæði.
Bjart­sýni og bros bjarga deg­inum.“