Kryddpíurnar í borginni byrjaðar að skrifa sáttmála: „Þetta eru auðvitað bara lykiláhersluatriði“

Oddviti Pírata í Reykja­vík­ur­borg, Dóra Björt Guð­jóns­dóttir, segir að meiri­hluta­við­ræður gangi vel á milli þeirra fimm stjór­mála­flokka sem rætt hafa saman und­an­farið en þær hafa haldið áfram í dag.

Dóra segir að fundað hafi verið til 18 í dag en haldið verður áfram á morgun. Segist hún í sam­tali við RÚV vona að það dragi til tíð­inda á allra næstu dögum varð­andi emb­ætt­is­skipan.

Segir hún að odd­vit­arnir hafi í dag unnið að sátt­mála og að þær séu komnar langt með kafla um hús­næðis- og skóla­mál.

„Þetta eru auð­vitað bara lyk­ilá­herslu­at­riði, að stuðla að upp­bygg­ingu hús­næðis og tryggja öllum öruggt þak yfir höf­uðið. Og það er eitt­hvað sem að við, sem að ætti ekki að koma neinum á óvart að er stórt áherslu­at­riði í okkar vinnu,“ segir Dóra Björt við RÚV.

Að hennar sögn er flókn­ara að skrifa aðgerð­ar­á­ætlun til aðeins eins ár en að gera stefnu­yf­ir­lýs­ingu til fjög­urra ára.

„Þess vegna þurfum við í raun­inni að fara svo­lítið dýpra í málin heldur en að kannski þyrfti að gera ef við hefðum lengri tíma fyrir höndum til að útfæra mál. Þannig að, við erum að flýta okkur en vanda okkur. Auðvitað vona ég að það fari að draga til tíð­inda innan ein­hverra daga.“