Bubbi og Frikki Dór styðja fórnarlömb þjóðarmorðsins á Gaza

Stór­tón­leikar verða haldnir í Háskóla­bíói laug­ar­dag­inn 1. mars kl. 14:00. Ágóði af miða­söl­unni rennur í verk­efnið Gervi­fætur til Gaza.

Laug­ar­dag­inn 1. mars efni Félagið Ísland-Palest­ína til stór­tón­leika í Háskóla­bíó þar sem fram koma Bubbi, GDRN, Friðrik Dór, Jón Jónsson, KK og Ellen og hljóm­sveitin FLOTT!

Samkvæmt frétta­til­kynn­ing mun ágóði af miða­sölu renna í verk­efnið Gervi­fætur til Gaza sem stofnað var til í sam­starfi Össurar Krist­ins­sonar og Félags­ins Ísland – Palest­ína. Frá árinu 2009 hafa verið farnar nokkrar ferðir með efni í gervi­fætur sem Össur Krist­ins­son heit­inn hann­aði og fór hann sjálfur í fyrstu ferð­ina með gervi­fætur til Gaza. Sjaldan hefur þörfin fyrir heil­brigð­is­þjón­ustu verið meiri á Gaza en nú eftir stans­lausar sprengju­árásir síð­ustu 15 mán­uði. Þúsundir barna og full­orð­inna hafa misst útlimi og þarfn­ast gervi­lima. Félagið Ísland-Palest­ína stefnir á að senda hið fyrsta stoð­tækja­smið til Gaza og efni í gervi­fætur fyrir 100 börn og 100 full­orðna. Félagið mun njóta vel­vildar og stuðn­ings Össurar ehf. til að hrinda þessu verk­efni í gang að nýju.

Hvetur félagið félags­menn til að fjöl­menna á þessa glæsi­legu tón­leika og leggja þar með þess­ari mik­il­vægu söfnun félags­ins lið.

Miðaverð er 5900 kr.
Miðasala fer fram hér

Einnig er hægt að leggja söfn­un­inni lið með því að leggja inn á neyð­ar­söfnun Félags­ins Ísland-Palest­ína
Kt. 520188-1349 Banki: 542-26-6990

Hér má lesa um verk­efnið Gervi­fætur til Gaza:

Meira um Gervi­fóta­verk­efni Félags­ins Ísland-Palest­ínu i sam­starfi við Össur og ALPC:

Frum­kvöð­ull­inn Össur Krist­ins­son fór fyrstu ferð­ina með gervi­fætur til Gaza í maí 2009, ásamt stoð­tækja­smið­unum Óskari Þór og Johan Snyder frá Suður-Afríku. Ferðin var farin í sam­vinnu við Félagið Ísland-Palest­ína, sem hélt síðan verk­efn­inu áfram, en ævin­lega með stuðn­ingi Össurar. ALPC (Artificial Legs and Polio Center), Gervi­lima­stöðin á Gaza, hefur verið sam­starfs­að­ili félags­ins á svæð­inu frá fyrstu tíð. Sveinn Rúnar Hauksson læknir og fyrr­ver­andi for­maður FÍP hefur séð um þetta verk­efni af hálfu FÍP frá upp­hafi en fór þangað síð­ast haustið 2018 með efni í gervi­fætur og þá með aðstoð PCRF (Palest­ínska Barna­hjálp­ar­sjóðs­ins) við að kom­ast inn á svæðið. Nú kallar ástand mála meir en nokkru sinni á að gervi­fætur séu sendir til Gaza, en upp­finn­ing Össurar felur í sér að hægt er að smíða gervi­lim á klukku­stund við hvaða aðstæður sem er. FÍP mun með stuðn­ingi Össurar ehf. fara eins fljótt og aðstæður leyfa með efni í 100 gervi­fætur fyrir börn og 100 fyrir full­orðna. Óskar Þór Lárusson mun smíða og leið­beina eins og áður.