Gunnar Jóhannsson hrefnuveiðimaður: „Áhyggjur hvort skutullinn skyldi fara í gegnum tvær í einu“

Gunnar Jóhanns­son skip­stjóri í Hveravík stund­aði hrefnu­veiðar lengi vel og er á meðal reynd­ari mönnum. Hann segir hér frá ævin­týra­legri veiði.

„Einu sinni vorum við að koma frá Skaga­strönd frá því að skera hval, hrefnu. Við vorum þreyttir. Það var siglt út um kvöldið eftir að hafa landað deg­inum áður. Við vorum komnir norður undir Selsker og sá ég mikið af fugli en enga hrefnu. Þannig að ég stopp­aði og drap á og þá fóru að mynd­ast fugla­ger. Svo komu hrefn­urnar eins og járn­braut­ar­lest. Svo var reynt að mjaka sér nær ger­inu. Þá var ég far­inn að skjóta og mestu áhyggj­urnar sem ég hafði voru hvort skut­ull­inn skyldi fara í gegnum tvær í einu. Hvað gerði ég þá?“

Það var problemið.

„Það hefði verið ávísun á vand­ræði. En það varð nú ekki.“

Þið hafið fengið góða veiði þarna.

„Já, við gerðum það og vorum farnir af stað aftur fljót­lega á Skaga­strönd.“

Svo lögð­ust þessar veiðar af.

Gunnar segir sögu sína í við­tali við Reyni Trausta­son. Brenni­vínið, veið­arnar og sveita­sælan í Hveravík þar sem hei­yta vatnið bullar undir, fáum til gagns.