Sjóarinn Kristberg Jónsson á að baki langan feril sem sjómaður og seinna veitingamaður. Þegar honum var sagt upp skipsplássi söðlaði hann algjörlega, fór í land, um og haslaði sér völl í veitingageiranum. Hann rak lengi áningarstaðinn Baulu í Borgarfirði en seldi seinan reksturinn og hvarf til annarra starfa. Kibbi í Baulu naut mikilla vinsælda hjá flestum. Hann segir meðal annars frá því í nýjasta viðtali Sjóarans að eitt sinn hafi ónefndur sjóari frá Ísafirði verið að þrífa bílinn sinn á þvottaplani staðarins en sá var ósáttur við að slangan læki og hellti sér yfir Kristberg.
Þá dró ég upp hnífinn
„Hann var eitthvað að argast út í mig og var bara með dónaskap þannig að ég fór bara og skar á slönguna. Æ, þetta var einhver gamall sjóari frá Ísafirði, ég bara man ekki nafnið á honum, hann var eitthvað að tala um að ég hefði aldrei verið ráðinn á sjó og væri aumingi og drullusokkur. Þá dró ég upp hnífinn og skar á slönguna.“
Kristberg er fæddur og uppalinn á Grundarfirði og lengst framan af ævi var hann til sjós.
Viðtalið má sjá í heild sinni hér á efnisveitu Mannlífs.
Athugasemdir