Sjóarinn lagði land undir fót og hitti fyrir Ingvar Friðbjörn Sveinsson á verkstæði sínu í Hnífsdal. Eftir að hann hætti til sjós hófst hann handa við að smíða þar ótrúlega nákvæm líkön af síðutogurum.
Hann veitir okkur innsýn í ferlið og sýnir okkur tvö af þeim skipum sem hann er með á borðinu hjá sér.
Ingvar minnist þess sérstaklega þegar hann var til sjós með skipstjóranum Sigurði Steindórssyni á togaranum Ottó þegar páfagaukur skipstjórans, sem hann hafi alla jafna á öxlinni, taldi sig vera múkka og settist á sjóinn. Páfagaukurinn lifði það ekki af en í næsta túr var Sigurður kominn með annan nákvæmlega eins. „Páfagaukurinn hélt sig vera múkka og settist á sjóinn.“
Athugasemdir