Woolroom er verslun sem sérhæfir sig í svefnvörum úr ull. Vilmundur Sigurðsson, einn eiganda verslunarinnar, ræddi við Mannlíf um þetta töfraefni.
Woolroom byrjaði smátt fyrir tæpum fimm árum í Auðbrekku 24 í Kópavogi og var afsprengi mikillar umræðu um líklega skaðsemi plastefna í rúmdýnum og koddum.
Að sögn Vilmundar Sigurðssonar eins af eigandum verslunarinnar, sýndi það sig fljótt að mikil þörf er á þessum valmöguleika gegn miklu úrvali gerviefna svefn vöru sem hefur í raun yfirtekið markaðinn síðustu áratugi. Segir hann að móttökurnar hafi verið stórkostlegar en nú fimm árum seinna er Woolroom flutt í stærra og betra húsnæði í Selmúla, milli Ármúla og Síðumúla. Verslunarstjóri og eigandi Woolroom er Svala Möller eiginkona Vilmundar en hjónin Gunnar Guðmundsson og Ingunn Brynjólfsdóttir eru einnig eigendur, ásamt Vilmundi.
„Við erum að tala um tvo póla,“ segir Vilmunur í byrjun samtalsins og hélt áfram. „Á mínus endanum eru gerviefni, sem til dæmis Neytendasamtökin hafa gefið út að hafi neikvæð áhrif í fatnaði, samkvæmt nýjasta tölublaði þeirra. Plastefni, Flís og önnur gerviefni eru bara nokkurra tuga gömul og þannig lítil reynsla af þeim.“
Segir hann að Umhverfisstofnun hafi skrifað á heimasíðu sína að mjúkt plast í barnaleikföngum sé skaðlegt heilsu barna og að þau eigi ekki einu sinni að hafa þau nálægt sér. Staðreyndin sé sú að í 95 prósent rúmdýna sem notaðar eru á Íslandi, eru svampefni í efsta laginu, sem er í raun mjúkt plast með loftbólum í og geta innihaldið allt að 61 útgufunarefni. „Á plús endanum er ullin sem vitað er að hefur hátt orkugildi, er heilnæm og hefur verið notuð frá örófi alda í fatnað og svefn vöru, rúmdýnur, kodda, og svo framvegis. Ullin er hitajafnandi og mjög rakadræg, hún fylgir hitastigi líkamans og jafnar það á fullkominn hátt.“
Segir Vilmundur að ull í útivistarfatnað og svefnvörur, sé „stórkostlegt efni sem líkaminn elskar og finnur gríðalegan mun á andspænis gerviefnum.“ Hélt hann áfram: „Við vöknum fersk og úthvíld eftir svefn á ullardýnu, með ullarkodda og ullarsæng, líkaminn skynjar gæðin og nær mun betri endurheimt en á gerviefnum. Svitamyndun er oft mikil á gerviefnum, en hún heyrir sögunni til með Woolroom ullar svefnvörum.“ Segir hann að það sem hafi mest áhrif sé ullardýnan sjálf.
Vilmundur segir viðskiptavinina afar ánægða með vörurnar þeirra. „Við í Woolroom höfum fengið fjöldan allan af sögum frá fólki sem lýsir því að vakna aftur alveg endurnærð og fersk, svitamyndun í svefni er ekki merkjanleg og lífsgæði aukast.“
„Mikil vitundarvakning hefur verið síðustu árin um mikilvægi heilnæmra efna í nærumhverfi okkar,“ segir Vilmundur og heldur áfram: „Og spilar þar svefnvaran stærsta hlutverkið, því þar erum við í viðkvæmu viðgerðarástandi stóran hluta ævinnar.“
Staðhæfir hann að svefnvaran sé þess vegna sú vara sem hefur mest umhverfismengandi áhrif á okkur, þó hún hafi janvel einungis örlitla efnaútgufun, „því við erum í alveg varnarlausu ástandi þar í svo langan tíma.“
Woolroom leggur gífurlega áherslu á að engin hætta sé á neikvæðum áhrifum á líkamann, heldur þvert á móti er það að sýna sig að ullin hefur mjög jákvæð áhrif á okkur í svefni, að sögn Vilmundar. Þá séu ullarsvefnvörur séu vinsælar á meðal íþróttafólks þar sem þær virðast hraða endurheimt eftir erfiðar æfingar.
Vilmundur segir að Woolroom selji mikið úrval af af ullardýnum, ullarkoddum, ullarsængum, ullarhlífðarlökum, ullarmjúktoppum, ullargormatoppum og ullarteppum. Einnig sé lögð áhersla á ullarsvefnvörur fyrir börn. „Woolroom hefur hlotið frábærar móttökur og hefur stuðlað að miklum breytingum á íslenskum svefn vörumarkaði á skömmum tíma.“ Að lokum segir Vilmundur: „Woolroom er alvöru valmöguleiki fyrir fólk til að tryggja öruggan og heilnæman svefn án aðkomu skaðlegra útgufunarefna. Hitajöfnun og rakadrægni er lykillinn í Woolroom ullarsvefnvörunum.“
Hægt er að lesa meira á heimasíðu Woolroom á woolroom.is .
Athugasemdir