Miðjanes er landnámsjörð en Úlfur skjálga nam land frá Gilsfirði að Þorskafirði. Á jörðinni er stundaður hefðbundinn búskapur ásamt ferðaþjónustu.
Íbúðarhús er á landinu þar sem boðið er upp á gistingu. Húsið var byggt árið 1978 en þar eru fjögur herbergi, baðherbergi, eldhús og stofa með útsýni út á Breiðafjörð. Hægt er að kaupa hakk og hamborgara af nautgripum sem aldir eru á býlinu.
Tjaldsvæðið á Miðjanesi bíður upp á þrjá palla búna rafmagni og útiborðum en fjórði pallurinn er ekki búinn rafmagni. Gott skjól er á tjaldsvæðinu og ótrúlega fallegt útsýni yfir Breiðafjörðinn. Fuglalífið á svæðinu er fjölbreytt en þar má oft finna erni, uglur og aðra fallega fugla. Á tjaldsvæðinu er salernisaðstaða, þvottavél, sturta og útivaskur. Þá geta gestir farið í gönguferðir um svæðið.
Reykhólar eru í aðeins fimm kílómetra fjarlægð frá Miðjunesi en þar er hægt að fara í sund, versla í matinn, fara í Sjávarböðin á Reykhólum og á The Boat and Gift of Nature safnið.
Verið velkomin á Miðjunes!
Athugasemdir