Magnavita námið – Að fjölga spennandi og heilbrigðum æviárum

Á haustönn 2023 og vor­önn 2024 bíður Háskól­inn í Reykja­vík upp á svo­kallað Magna­vita nám en það snýst um að fjölga spenn­andi og heil­brigðum ævi­árum.

Kennt verður á mið­viku­dögum á haustönn 2023 og vor­önn 2024. Vonast skól­inn til þess að fá milli 30 og 40 nem­endur á aldr­inum 55-75 ára í námið sem hefst mið­viku­dag­inn 6. sept­em­ber.

Fyrri önn­inni lýkur 6. des­em­ber og síð­ari önnin er frá 10. jan­úar til 24. apríl. Haustfrí verður í lok októ­ber og langt páska­frí í kringum páska. Námið er styrk­hæft hjá starfs­mennta­sjóðum.

Til­gang­ur­inn með nám­inu er skýr sam­kvæmt aðstand­endum: „Hann er að fjölga spenn­andi og heil­brigðum ævi­árum! Lífsgæði snú­ast um marga þætti, yfir sumum þeirra höfum við vald og öðrum ekki. Vinnum með það sem við getum haft áhrif á, lífið er svo dýr­mætt!“

Samkvæmt aðstand­endum náms­ins eru núver­andi nem­endur gríð­ar­lega ánægðir með námið og margir tala um að það hafi opnað nýjar víddir og tæki­færi.

Skráning er hafin og þegar hafa ein­stak­lingar skráð sig í námið, umsókn­ar­frestur er til 20. júní. Þau sem vilja skoða námið geta farið inn á magna­vita.is og skráð sig hér.

Hvetja aðstand­endu náms­ins fólk til að deila upp­lýs­ingum með öðrum 55-75 ára sem gætu hugs­an­lega haft áhuga á að taka þátt í nám­inu og vilja fjölga spenn­andi og heil­brigðum ævi­árum.