Verðlag hækkar í Bónus um 1,8% frá desember

Verðlag í Bónus hækkar um 1,8% frá des­em­ber

Verðlag á dag­vöru hækk­aði um 0,7% í febr­úar frá fyrri mán­uði sam­kvæmt dag­vöru­vísi­tölu ASÍ. Þetta kemur fram í frétta­til­kynn­ingu frá ASÍ en vísi­talan skoðar þróun á vegnu með­al­verði á dag­vöru í öllum versl­unum.

Fram kemur að sé Nettó und­an­skilið mælist aðeins meiri hækkun á vísi­töl­unni eða um 0,8%, en í Nettó voru afslátt­ar­dagar í byrjun síð­asta mán­aðar. Mest hækk­aði verð­lagið í Iceland af öllum versl­unum, en þar tók verð­lagið stökk upp á við í febr­úar og hækk­aði um 10% frá fyrri mán­uði.

Ef litið er sér­stak­lega til lág­vöru­versl­ana hefur verð­lag hækkað um 1-2% frá des­em­ber, og má vænta að ára­móta­hækk­anir séu komnar fram að mestu. Verðlag í Krónunni hefur hækkað um 1,1%, í Nettó um 1,5%, í Prís um 1,6% og í Bónus um 1,8% frá des­em­ber. Þetta er stór hluti af árs­hækkun versl­an­anna fjög­urra, frá því kjara­samn­ingar voru und­ir­rit­aðir í mars í fyrra.

Verð enn lægst í Prís

Samkvæmt ASÍ hefur ekki orðið breyt­ing á röðun versl­ana. Prís er áfram ódýrasta versl­unin í reglu­legu eft­ir­liti Verð­lags­eft­ir­lits­ins og hefur verið það frá opnun. Að með­al­tali hafa vörur í Bónus verið 4-5% dýr­ari en í Prís sér­hvern mánuð frá opnun versl­un­ar­innar. Þá eru verð í Krónunni nú 7% hærri en í Prís og í Nettó eru þau 13% hærri.

Súkkulaði, svína­kjöt og fugla­kjöt hækkar í verði

Séu vöru­flokkar skoð­aðir sér­stak­lega hækk­aði verð á svína­kjöti og fugla­kjöti um 3% í bæði Bónus og Krónunni milli jan­úar og febr­úar. Til að mynda hækk­aði Ódýrt kjúklinga­læri án mjaðma­beins í Krónunni úr 1.477kr/kg í 1.599kr/kg (8,3%). Ali kjúklinga­strimlar hækk­uðu í Bónus úr 1.087kr í 1.147kr (5,5%) og í Prís úr 989kr í 1.079kr (9,4%).

Þó hækk­aði súkkulaði mest allra flokka, eða um það bil 4,5% í Bæði Bónus og Krónunni.

Miðað við fyrstu mæl­ingar í mars hefur dag­vöru­vísi­tala verð­lags­eft­ir­lits­ins hækkað um rúm­lega 0,4% frá febr­úar, en um 0,3% sé Nettó und­an­skilð.  Vöru­flokk­ur­inn súkkulaði leiðir hækk­anir enn og aftur í bæði Bónus og Krónunni, bæði í febr­úar og mars.

Þá hækkar fiskur aukreitis nokkuð í Bónus, eða um 2,7%, en aðeins um 0,24% í Krónunni. Til dæmis hækka bleikju­flök úr land­eldi um tæp 6% í Bónus.