Lokað fyrir athugasemdakerfi RÚV eftir hótanir um dráp og geldingar

Lokað var fyrir athuga­semda­kerfi á Facebook síðu RÚV í morgun við tvær fréttir sem mið­ill­inn birti í gær og í morgun. Fjallaði sú fyrri um meinta hópnauð­gara sem ganga lausir og hin um stöð­una á íslenskum leigu­bíla­mark­aði.

Mannlíf hafði sam­band við RÚV til að spyrj­ast fyrir um ástæðu þess að lokað var fyrir athuga­semd­irnar.

„Við lok­uðum á athuga­semdir við þessar fréttir þar sem nokkrar athuga­semdir gengu of langt,“ sagði Heiðar Örn Sig­ur­finns­son, frétta­stjóri RÚV, um málið. „Það voru hót­anir um ofbeldi, dráp og geld­ingar. Við lokum stundum fyrir athuga­semdir þegar við birtum fréttir um eld­fim eða við­kvæm mál enda getum við ekki haft stöðugt eft­ir­lit með athuga­semda­kerf­inu allan sól­ar­hring­inn.“

Þá sagði Heiðar að það væri ákvörðun vakt­stjór­anna hvort lokað sé fyrir athuga­semdir eða ekki.

Mannlíf fór yfir athuga­semd­irnar sem lokað hefur verið fyrir og er greini­legt að ein­hverjum athuga­semdum hefur verið eytt. Orðbragð í mörgum þeirra er nokkuð sterkt en athygli vekur að þeir sem not­ast við sterk­ustu orðin koma ekki fram undir réttu nafni.

Hér fyrir neðan má sjá dæmi af athuga­semdum