Veðurfræðingur segir góðviðrið á næstunni „eins og í lygasögu“

Einar Sveins­björns­son, einn reynd­asti veð­ur­fræð­ingur lands­ins, segir ótrú­legt veður framundan, gangi spálíkön eftir. Veðrið sem Ísland mun fá til sín á næstu dögum er lík­ara hlý­inda­kafla að sumri heldur en að vori.

Í pistli sem hann skrif­aði fyrr í dag segir hann að „nálægð háþrýsti­svæðis næstu daga, sem að auki er stað­sett á hár­réttum stað, gerir það að verkum að á mest öllu land­inu verður bæði hlýtt og sól­ríkt. Eiginleg sum­ar­hlý­indi, fremur er vor­hlý­indi.“

Veð­ur­stofa Íslands

Þá bætir hann við að hæðir eins og þessi sem á leið­inni sjást hér alltaf annað veifið, en staldri oft­ast stutt við.

Ljóst er að mik­ill hiti og sól verður á land­inu næstu daga ef spá þessi ræt­ist. Þá segir Einar að mögu­legt sé að hiti þessi verði lengur en þær tvær vikur sem hann ræðir um.

Einar tekur dæmi af Akureyri, þar sem með­al­hit­inn um miðjan maí er 6 til 7 gráður. „Þegar við bæt­ast 6 stig við erum við komin með 12 til 13 stiga með­al­hita.“

Einhver hætta er þó á þoku­bökkum með haf­gol­unni á Reykja­nesi austur með suð­ur­strönd­inni, hugs­an­lega líka höf­uð­borg­ar­svæð­inu.

Hiti á Akureyri og í Reykja­víkNálgast 20°C á Norð­ur­landi nokkra daga í röð

Mynd: Blika

Eftir hita­bylgj­una er síðan von á lág­þrýst­ingi og vætu, með hitafari nær með­al­lagi.