„Smám saman kemur umfangið í ljós“

Kjartan Briem fram­kvæmda­stjóri Isavia segir að dag­ur­inn í dag hafi verið erf­iður vegna brott­rekst­urs fimm flug­um­ferð­ar­stjóra; fimm aðrir fengu áminn­ingu. Málið er litið afar alvar­legum augum og er það til rann­sóknar hjá Sam­göngu­stofu.

Kjartan Briem, fram­kvæmda­stjóri Isavia, segir í sam­tali við Vísi að málið hafa komið upp fyrir hálfum mán­uði síðan og hann lýsir því aðeins:

„Einhver tekur eftir því að ekki er allt með felldu,“ segir Kjartan og bætir því við að nán­ari skoðun hafi leitt í ljós að umræddir flug­um­ferð­ar­stjórar hafi ekki setið við tölv­una - þótt þeir hafi verið skráðir þannig; annað starfs­fólk hafi því skráð sig inn fyrir við­kom­andi flug­um­ferð­ar­stjóra.

Þess má geta að vinnu­staða vísar til þess að starfs­fólk sé skráð inn og sé í virkri vinnu við flug­um­ferð­ar­stjórn.

„Það var farið í að skoða nákvæm­lega tím­ana og þá smám saman kemur umfangið í ljós.“

Málið hafi um leið verið til­kynnt Sam­göngu­stofu sem sé við­eig­andi eft­ir­lits­að­ili.

Málið hafi þannig farið beint á þeirra borð á meðan Isavia ANS hafi haldið áfram að reyna að ná utan um málið.

Við mátum málið það alvar­legt að við ákváðum að fram­kvæma þessar upp­sagnir í morgun,“ segir Kjartan.

Fimm til við­bótar voru áminntir og þá fái ein­hverjir til­tal.

„Við teljum þetta mjög alvar­legt. Þetta er mik­il­væg inn­viða­þjón­usta sem fólk reiðir sig á og treystir að sé sinnt af fag­mennsku. Þessar aðgerðir sýna að við viljum standa við það og vera ábyrg.“

Hann útskýrir að flug­um­ferð­ar­stjórar þurfi á ákveðnu tíma­bili að skila ákveðnum fjölda skráðra tíma í vinnu­stöðu til að við­halda rétt­indum sínum.

„Fólk hefur verið að renna út á tíma með því að hafa ekki unnið nógu mikið,“ segir Kjartan.

Aðspurður hvers vegna aðrir hafi tekið á sig að skrá sig inn í þeirra stað virð­ist það ekki alveg ljóst. Að ein­hverju leyti hafi fólk gert þetta fyrir hvert annað. Svo verði að hafa í huga að flug­um­ferð­ar­stjórar vinni margir hverjir saman alla starfsæv­ina og þekk­ist vel. Það sé alls ekki þannig að um mis­tök nýliða eða slíkt hafi verið að ræða heldur líka reynslu­mikið fólk. Það er það líka þannig að flug­um­ferð­ar­stjórar hafa ekki úr mörgum fyr­ir­tækjum að velja,“ segir Kjartan. „Þetta er extra þungt mál að gera þetta. Þetta eru sam­starfs­fé­lagar til margra ára, jafn­vel ára­tuga.“