Markmiðið að reka almenningsmarkað í húsnæðinu

Segja má með sanni að Kola­portið sé ein­stakur vett­vangur í borg­ar­lands­lag­inu og einn af fáum stöðum þar sem fólk af ólíkum upp­runa og bak­grunni kemur saman, hvort sem er til þess að versla, selja, spjalla eða ein­fald­lega njóta sam­vista en er það ekki aðeins mark­aður, heldur mið­stöð félags­legra tengsla og líf­legs borg­ar­sam­fé­lags.

Sýn Reykja­vík­ur­borgar er sú að Kola­portið þró­ist áfram sem kraft­mik­ill almenn­ings­mark­aður, staður þar sem frum­kvöðlar geta prófað nýjar hug­myndir, vörur og þjón­ustu, og þar sem nýsköpun, hand­verk, mat­ar­menn­ing og fjöl­breytt verslun mynda ein­stakan sam­runa.

Þá á mark­að­ur­inn að vera aðgengi­legur öllum; stuðla að þátt­töku fólks úr öllum áttum sam­fé­lags­ins með blóm­legu við­burð­ar­haldi.

Og það er óskað eftir nýjum rekstr­ar­að­ila, sem mun velja sölu­að­ila og veit­inga­staði til sam­starfs, aflar til­skil­inna leyfa, sér um kynn­ingar- og mark­aðs­mál og ann­ast allan dag­legan rekstur húss­ins, þar með talið rekstur á sal­ernum og örygg­is­vörslu.

Áætlar Reykja­vík­ur­borg að gera húsa­leigu- og rekstr­ar­samn­ing við vænt­an­legan rekstr­ar­að­ila sem mun byggja á húsa­leigu­samn­ingi á milli Reykja­vík­ur­borgar og Fram­kvæmd­ar­sýsl­unnar – Rík­is­eigna (FSRE) sem eig­anda, með það að mark­miði að reka almenn­ings­markað í hús­næð­inu.