Reykjavíkurborg skráð fyrir tæplega 300 lénum

Reykja­vík­ur­borg er skráð fyrir 285 lénum en það kemur fram í svari borg­ar­innar við fyr­ir­spurn Mannlífs um málið.

„Öll lénin voru í notkun við síð­ustu yfir­ferð sem var fyrir 2-3 árum síðan,“ sagði Eva Bergþóra Guð­bergs­dóttir, sam­skipta­stjóri Reykja­vík­ur­borgar, varð­andi hversu stór hluti þeirri væri í notkun. „Megnið af lén­unum er notað fyrir „redirect“ yfir á vef­svæði borg­ar­innar, reykja­vik.is eftir átak í fækkun vef­svæða fyrir nokkrum árum.“

Eva segir að kostn­að­ur­inn við lénin mið­ist við samn­inga við ISNIC og að borgin greiða 7.180 krónur fyrir hvert þeirra en það eru 2.046.300 krónur sem borgin greiðir árlega. „Langstærstur hluti þess er greiddur til ISNIC fyrir lén sem enda á .is.“

Eva segir að stór hluti þess­ara léna hafi hug­renn­inga­tengsl hjá íbúum við starf­semi borg­ar­innar t.d. eins og skólar, sam­býli, frí­stunda­heim­ili og þjón­ustu­mið­stöðvar. „Það er mik­il­vægt fyrir borg­ina að eiga slík lén til að minnka hættu á því að óprút­tnir aðilar geti notað slíkt við blekk­ingar eða í óæski­legum til­gangi byggt á því trausti sem almenn­ingur hefur til borg­ar­innar,“ sagði hún að lokum.