Sigmundur Davíð talaði fyrir tómum þingsal í nótt

Sig­mundur Davíð Gunn­laugs­son, for­maður Mið­flokks­ins, lét það ekki stöðva sig í nótt að eng­inn þing­maður sæti í þingsalnum til að heyra ræð­una hans. Hann stóð í ræðu­pont­unni þegar að klukkan sló mið­nætti en þing­fundi var ekki slitið fyrr en rúmum klukku­tíma síðar.

Meðal þing­manna sem héldu ræður á sein­ustu tímum þing­fund­ar­ins voru Bryndís Har­alds­dóttir, þing­maður Sjálf­stæð­is­flokks­ins í Suð­vest­ur­kjör­dæmi. Hún er aftur á mæl­enda­skrá í dag og mun halda sína 52. ræðu um veiði­gjaldið. Bryndís hefur vakið athygli vegna orða hennar árið 2019 þar sem hún gagn­rýndi mál­þóf.

Aðrir þing­menn sem héldu ræður í nótt voru Guð­laugur Þór Þórð­ar­son, fyrrum ráð­herra og þing­maður Sjálf­stæð­is­flokks­ins í Reykja­vík­ur­kjör­dæmi norður, Sigurður Ingi Jóhanns­son, for­maður Fram­sókn­ar­flokks­ins og þing­maður í Suð­ur­kjör­dæmi, Nanna Margrét Gunn­laugs­dóttir, þing­maður Mið­flokks­ins í Suð­vest­ur­kjör­dæmi, sem lauk sein­ustu ræðu þing­fund­ar­ins klukkan 1:09, en hún er systir Sig­mundar Davíðs.

Myndir: Víkingur

Þingið mánuð fram yfir

Umræður um breyt­ingu á veiði­gjöldum standa enn yfir og hafa seinkað þing­lokum um tæpan mánuð, en sam­kvæmt starfs­á­ætlun átti þingi að ljúka 13. júní. Þingmenn stjórn­ar­and­stöð­unnar eru mót­fallnir breyt­ing­unum sem frum­varpið boðar. Þau reyna að koma í veg fyrir að það verði sam­þykkt með því að lengja umræð­urnar og fresta þing­lokum. Vísa þing­menn­irnir til fjölda athuga­semda frá sveit­ar­fé­lögum og útgerðum, sem vara við áhrifum svo­kall­aðrar „leið­rétt­ingar“ veiði­gjalda. Þá hafa þeir gagn­rýnt að breyt­ing hafi orðið á útreikn­ingum eftir því sem málið hefur þró­ast á Alþingi.

Forseta Alþingis er heim­ilt að leggja undir þingið að hætta umræðu um mál ef ræðu­tím­inn er kom­inn úr hófi. Þórunn Svein­bjarna­dóttir, for­seti Alþingis, hefur þó ekki tekið til þeirra ráða enn. Í heild­ina hefur verið rætt um veiði­gjöldin í 142 klukku­stundir en Íslands­metið er 147 klukku­stundir fyrir umræður um þriðja orku­pakk­ann árið 2019.

Lengst hefur talað Þórarinn Ingi Pét­urs­son, þing­maður Fram­sókn­ar­flokks­ins, í sam­tals 6,5 klukku­stundir í 130 ræðum um veiði­gjaldið, en greint var frá því á Mannlífi í gær að hann hefði haldið röð ræða um sögu úr sjáv­ar­út­vegi frá þar­síð­ustu ald­ar­mótum.